Mashi jivi Jisashi Luk or kayeri 20:5 - Nupela Testamen long tokples Mende long Niugini

⁵ Urik lihi ambek limu mbara, “Mberem ni mbakwa ambu re. Os ni mba, Avui Wasilaka mbashirik lerawu oson ormu lara, karem ni mba nahi, avak or mba, “Mberem ushirik orin ji tiyakurin ji halar?” karem mbakwa ora.

Mashi jivi Jisashi Luk or kayeri 20:5 Iomraidhean Croise

Matyu 16:7

Karem or mbarik lihi ambek limu mbara, “Wa bret nga ni laharawa ambu osik mbandar?”

Matyu 21:25

Jon man or fak tolofalendari oto lawe mbashirik lerawun or lar? Avui Wasilaka mbashirik mo ma misambik fehe mbashirik lerawu oson lari or?” Karem or silirik lihi ambek limu mbara, “Mberem ni mbakwa ambu re. Os ni mba, Avui Wasilaka mbashirik lerawu oson ormu lara. Karem ni mba nahi, avak or mba, mberem ushirik orin ji tiyakurin ji halar?

Mashi jivi Jisashi Luk or kayeri 20:4

Jon man fak or tolofalendari oto lawe mbashirik lerawun or lar? Avui Wasilaka mbashirik mo ma misambik fehe mbashirik lerawu oson lari or?”

Mashi jivi Jisashi Luk or kayeri 20:6

Hako os ni mba, ma misambik fehenda mbashirik lerawu oson ormu lara, karem ni mba nahi, ma rondo avak nirin li sunjakom loho ormbekwa ola. Mberem ushiwak? Jon oto profet oria, karem hishinda ola.”

Mashi jivi Jisashi Jon or kayeri 1:30

Ma kar mas a sawerik ji misihinda ma toria. Mas karem a mbari nir, ma lar avak anhi kumayok rakwa ri. Or Wasilaka anhi ri. Or angop maskop nahandari ri. Hako an kuma na nari nir.

Mashi jivi Jisashi Jon or kayeri 1:34

Ushirik am a heyehe os amu jirin kormbak sawenduwa. Ma roto Avui Wasilakahi jikisi indingo toria.”

Mashi jivi Jisashi Jon or kayeri 3:26

Urik ol Jonin tiyandari ma ondo Jonik li raha limu sawera, “Tisa, ayo ma or mas mir nga fa mbuhu kauyok nakrem shi sihi ma or mi mbar, ma toto hulaima nokopman jivinakwa ma toria. Karem mi mbahanda ma oto or er nga hulaima nokopman fak or tolofalewak ma amber orhik li ihi olmu nirin halanduwa.”

Mashi jivi Jisashi Jon or kayeri 3:36

Unda osik ma ol jikisi orhi otohi mashin misindiyawa ma ondo ermba ermbak linda oson lakwa lir. Hako ma ol jikisi orhin kumaifahanda ondo mbeek ermba ermbak linda oson lakwa ambu lir, wahau. Avui Wasilaka waplelena orhi ermba ermbak lihik nakwa sir.”

Aposel 13:25

Jon am or hakuri wolok si narik ormu sawera, “Ji hishiwa an lawe mende nir? An ma or jirin jivinakwa ma ambu nir. Hako ji misi, ma or jirin jivinakwa ma oto avak takwa ri. An ma jivi ambu nir. Unda osik an mbeek kuvu os kumba ari orhi orok nawan a sorngondahi ambu nir. Hako ma or jirin jivinakwa ma oto jivi mende indinga ria,” karem ormu mbara.