Biblia Todo Logo
Bìoball air-loidhne

- Sanasan -




Mashi jivi Jisashi Luk or kayeri 20:23 - Nupela Testamen long tokples Mende long Niugini

23 Hako Jisas os orin li oweioweiheyehe orin li kotim ukurik li mbari oson angop or heyeri sir.

Faic an caibideil Dèan lethbhreac




Mashi jivi Jisashi Luk or kayeri 20:23
16 Iomraidhean Croise  

Urik Farisi lal nga Sadyusi lal nga Jisasin li eweheyenak or mbanak li heyekmbaha li taha limu mbara, “Ma undahi ambu las unak ni heyehe nivai mba, mir Avui Wasilaka mbashirik tari ma mira.”


Uri osik ormu mbara, “Jir hokophakovimbanda ma jirin, mberem ushiwak anin ji hokovimbakwak ji randu?


Uhu bikpris nga mashi Moseshin sawendari ondo nga Jisasin mandingormekuri nombon limu li hishira. Uhu ma lal li mbashirik limu ira. Li ihi karem limu haimba handambara, “Nir Jisashi mashin misikwak ni rawa nir.” Erem li mbanak mashi las or mbanak li heyehe nombo orok malakama Romik fehe orhi tavak Jisasin li kotim ukmbahan.


Hako mberem mi hishindu? Nir takis yan Sisarin ni hakwa oso jivik nakwa os mo wahau?”


Uri osik ormu mbara, “Ya las ji hanak a heye. Fumunyava lawehi nga hi lawehi nga ya torok si wandu?” Urik limu mbara, “Sisarhi vria.”


Hako Jisas os wavu wavu lihik li hishiri angop or heyeri osik ormu mbara, “Mberem ushiwak wavu jihik erem ji hishindu?


Hako Jisas mbele mbele os wavu lihik li hishiri angop or heyeri sir. Uhu ma or tava kava oton ormu mbara, “Mir usaha ta, nindi torok sinak li heyeka.” Karem or mbarik ormu ta sira.


“Mir Laulakahi jikisi mira. Mir jipjip linda nombo oson uwak kavak li nanda ma mira. Mir ermbak mi haimba handambaha wapkava hishihi os jipjip linda nombo Wasilakahin uwak kavak nanda ma mira. Hako mir os er mi unda oson halakwa ambu om?


Wasilaka akwan or harik ari lir. Hako li ashihi lihi lal orin narfatarfajiri lir. Lir erem li uri osik Avui Wasilaka or mbarik hovo lal lirin li shishirik hari lir. Nir os li narfatarfajinda hom erem ni mbawa hala.


Mberem ushiwak? Hishiyarinda misambik fehe oso misokome Avui Wasilakahik or heyewa mbele mendenda ma mbanda mashi hom nanda sir. Mashi Avui Wasilakahi karem mbanda osa, “Ma lal karem hishinda lir. Lirndonom hishiyarinda nga li nanda osik ma anandin li haimba handambanak kavak li na, karem hishinda lir. Hako Avui Wasilaka lirin or unak os ma lar kormiran fle nombok or faashihi or hishakashaha orhinjik or iwak si jinda hom nakwa lir.” Jop 5:13


Os erem ni na nahi, nir mbeek jikisakri hom ni naha haimba handambanda man ni halashinak mashi kavan li sawenak ni misindiyakwa ambu nir. Haimba handambanda ma ondo nirin tolmbraharokmba unda lir. Mashi os li mbawak ma li misindiyanda oso suwa si rasawak minjakukwa li fruhu mblanda hom nanda sir.


Mbele mbele tol Avui Wasilaka uhunda mbeek mbele las misokome orhik wanyindahi ambu sir, wahau, kormbak er narakonda lir. Ome sira, kumak avak misokome orhik ni sihi mbele mbele ol ni undan ni sawenak or heyekwa lira.


Lean sinn:

Sanasan


Sanasan