Mashi jivi Jisashi Luk or kayeri 2:51 - Nupela Testamen long tokples Mende long Niugini

⁵¹ Urik tempelin or halaha avoko nijava orhi nga Nasaretik limu ira. Uhu yangak or lihi ermba ermbak os fri mbari mashin ormu misindiyara. Hako nijiva orhi mashi os or mbarin si misihi sunguwavu sihik er si owehe simu toltambanara.

Mashi jivi Jisashi Luk or kayeri 2:51 Iomraidhean Croise

Matyu 12:46

Jisas mashin or sawerako namber, nijava orhi nga jimatama orhi nga orin li heyekmbaha li taha hikrik limu sira.

Matyu 3:15

Urik Jisas mu mbara, “Mir os a mbawa nombo hom uka. Os erem shi uwa mbele mbele os Avui Wasilaka shi ukmbaha or mbahanda hom os shimu unduwa.” Karem or mbarik Jon mu orin fak tolofalera.

Mashi jivi Jisashi Mak or kayeri 1:9

Oro wolok Jisas kuyanga Nasaret os provins Galilik nandarin or halaha fa Jordanik Jon man or fak tolofalendari mishi orok or tarik Jon mu orin fak tolofalera.

Mashi jivi Jisashi Mak or kayeri 6:3

Uhu limu mbara, “Ma roto akan unda ma ri. Mariahi jikisi ria. Jimatama orhi tol lindu te, Jems, Josep, Judas, Saimon karem. Jikaha orhi tol nir nga lindu te. Hako mberemhi mashi tos ter or sawendua?” Karem li mbaha orin limu kumaifara.

Mashi jivi Jisashi Luk or kayeri 18:37

Urik limu sawera, “Jisas Nasaretik fehenda ormu randuwa.”

Mashi jivi Jisashi Luk or kayeri 2:19

Hako Maria mashi oso sunguwavu sihik si owehe maintontlo sihin armek si hishikrahakorokmba simu ura.

Mashi jivi Jisashi Luk or kayeri 2:39

Josep fre Maria am mbele mbele lo os Wasilaka mbahandari hom fri urakoshihi indiyok yanga frihi Nasaretik frimu ira. Nasaret oso provins Galilik nandari sira.

Mashi jivi Jisashi Luk or kayeri 4:16

Jisas indiyok kotontlo orhi Nasaretik ormu ira. Os Sabat wolok si narik Judama lotu undari akak ormu layira, os ermba ermbak or undari hom. Uhu jekamba Avui Wasilakahin or ritim ukmbaha ormu usasira.

Mashi jivi Jisashi Luk or kayeri 4:23

Urik Jisas mu lirin sawera, “Anin ji hishiowenda ambu osik avak karem anin mbakwa jir. Mashi os “Dokta, mir avak maome mihi os kavamisiwan unak jivik si naka.” Karem li mbanda mashin anin ji mbaha mashi las nga ji mbakwa sir karem, “Mbele mbele ma undahi ambu ol yanga Kaperneamik mi urik ni misihinda ondo himi lal kotontlo mihi torok mi unak ni heyehe mirin nivai hishioweka.” Karem anin mbakwa jir.

Efesus 5:21

Jir Kraisin ji hishika. Or hausishiwak jir orhi siyok sinda jir. Unda osik Kraisin hishindiyanda ma, jir ma ol nakrem Kraisin hishindiyanda man ji hishihi os li mbawa hom ji uka.

1 Pita 2:21

Jir os Krais jirnjik nomorawun or kishahandari hom, jir nga nomorawun ji kishakmbaha Avui Wasilaka jirin ormu kamara.