Mashi jivi Jisashi Luk or kayeri 19:47 - Nupela Testamen long tokples Mende long Niugini

⁴⁷ Uhu ermba ermbak tempel aka orok mashi jivin ormu sawendara. Hako mashi Moseshin sawendari ma ondo nga bikpris ondo nga Judama lida lihi ondo nga Jisasin li mandingormekuri nombon limu oweioweiheyera.

Mashi jivi Jisashi Luk or kayeri 19:47 Iomraidhean Croise

Matyu 21:23

Jisas indik tempel akak or layihi mashin ormu sawera. Urik bikpris nga Judama lida lihi nga orok li raha orin limu silira, “Lawe mbashindak lerawun mi landu?”

Matyu 26:55

Karem or mbaha ol orin tolokurik tari ma ondon ormu mbara, “An hirnyanda ma, karem ji hishihi bainat nga kombe nga jimu laharandu? Ermba ermbak tempel aka orok mashi Avui Wasilakahin a ewesawenda nir. Oro wolok anin ji tolondari mberem ji mbar?

Mashi jivi Jisashi Mak or kayeri 11:18

Urik hetpris nga mashi Moseshin sawendari ma ondo nga mbele mbele os Jisas urin li misihi nombo nombo os orin li mandingormekurin limu mbara. Mberem ushirik? Ma musha angop Jisas saweri mashin misikurik hishiri lir. Uri osik las avak ma amber orin li tiyaku, karem mbaha limu ajera.

Mashi jivi Jisashi Mak or kayeri 12:12

Jisas sauheima oson or sawerik Farisi ondo nga mashi Moseshin sawendari ma nga limu misira. Mashi oso sayi hom lirin jiri sir. Urik sunguwavu lihi kavak er nari sir. Urik Jisasin li tolokmbaha limu ura. Hako ma musha mendek orok li lishirik li ajehe er li halaha limu ira.

Mashi jivi Jisashi Mak or kayeri 14:1

Bikpris ondo nga ma ol mashi Moseshin sawendari ma ondo nga Jisasin li jimandingomekuri nombon li hishihi limu mbara, “Wa mberem nivai uku? Humnyanak hiyawu Pasova nga hiyawu Bret Yis Ngashi Ambu oson ni unda wolok nakwa sir. Os oro wolok orin ni jimandingorme nahi, ma li heyehe awun li unda ngashi,” karem li mbaha limu halara.

Mashi jivi Jisashi Mak or kayeri 14:49

Ermba ermbak tempel aka orok mashi Avui Wasilakahin a sawenda nir. Oro wolok anin ji tolondari mberem ji mbar? Ambehoma. Mashi Avui Wasilakahi mas li kayeri ter osmu omendingak nanduwa.”

Mashi jivi Jisashi Luk or kayeri 19:48

Hako ma musha mendek Jisas sawendari mashin li misihi orin li rupshiri osik mbeek orin li mandingormekuri nombo las li heyekurik nari ambu sir.

Mashi jivi Jisashi Luk or kayeri 20:19

Jisas karem or mbarik mashi Moseshin sawendari ondo nga bikpris ondo nga li misihi limu hishira, “Jisas sauheimak or sawewa nirin or sawewa sir. Wain nowe oson washilindari ma ondo nirin olmu heimanduwa.” Karem li mbaha orin li tolokmbaha limu hishira. Hako hulaima nokopman li ajeri osik os limu halara.

Mashi jivi Jisashi Jon or kayeri 10:39

Karem or mbarik orin li toltangrikmbaha li urik lirin or masna ermbehe ormu ira.

Mashi jivi Jisashi Jon or kayeri 18:20

Karem or silirik ormu mbara, “An mbeek a wanyisawenda ambu nir, wahau. Mashi os a sawenda oso kormbak a sawenda nir. An ermba ermbak os li tirsanda mishik a ihi tempel aka nga li lotu unda aka nga orok a ihi mashin kormbak a sawenda nir.

Mashi jivi Jisashi Jon or kayeri 7:19

Maskop Moses lo Avui Wasilakahin jirin hari ri. Hako jir mbeek lo oson tiyanda ambu jir. Unda osik anin ji mandingormekwak jimu mbanduwa.”

Mashi jivi Jisashi Jon or kayeri 7:44

Uhu lal orin krawuk li ewekmbaha mbari lir. Hako ma lar mbeek orin tolori ambu ri.