Mashi jivi Jisashi Luk or kayeri 17:7 - Nupela Testamen long tokples Mende long Niugini

⁷ Jisas ormu mbara, “Os jirnjik lerawun landa man ji mba, “Mir i tawun la.” Mo “Mir i sipsipin washili.” Karem ji mbashinak or ihi lerawu oson or larakoho indik akak or tana wolo, am ji mbanak nombok akundar? Wahau.

Mashi jivi Jisashi Luk or kayeri 17:7 Iomraidhean Croise

Matyu 12:11

Urik ormu mbara, “Os sipsip jihi lar Sabat wolok faramblangok or layi nahi, mberem jivai uku? Sipsip jihin jelyakwa oj mo men misokomembak heyekwa oj? Wa, sipsip jihin jelyakwa oja.

Mashi jivi Jisashi Luk or kayeri 13:15

Karem or mbarik Wasilaka mu orin sawera, “Jir mbafirimbanda ma jira. Mashi os ji sawenda nga lerawu os ji landa nga mbeek nakrem nanda ambu sir. Sabat wolok jir amber bulmakau jihi nga donki jihi nga ji tambuhu iwak li ihi uksem anda lira.

Mashi jivi Jisashi Luk or kayeri 14:5

Uhu ormu sawera, “Os jikishulayi jihi lar mo bulmakau jihi lar Sabat wolok ukwa wolnanda mishi lasik li layi nahi, kolomalok ji ihi tolonak tasakunda ol mo wahau? He, ji tolonak tasakwa ol te.”

Mashi jivi Jisashi Luk or kayeri 17:26

Ma Jikisi Avui Wasilakahi indiyok or takwa wolo, mbele mbele os Noahi wolok li uhunda hom erem li ukwa sir.

Mashi jivi Jisashi Luk or kayeri 17:6

Karem li mbarik Wasilaka mu lirin sawera, “Os anin ji hishiowenda nombo jihi awarikandak mastet siji hom si na nahi, wa ambehoma. Mi roson ji mba, “Nyir nyihinjik kwarasaha i solwarak sika.” Karem ji mbawa, wa os ji mbawa hom nakwa sir.”

Mashi jivi Jisashi Luk or kayeri 17:8

Ji mbashinak jirnjik akwan or hundujeshinak jir anakop akwa ri.