Mashi jivi Jisashi Luk or kayeri 16:14 - Nupela Testamen long tokples Mende long Niugini

¹⁴ Farisi ondo yanjik undari lira. Undari osik Jisas mbari mashin li misihi orin li wapkava hishihi limu mbara, “Oto men mbafirimbanda ri.”

Mashi jivi Jisashi Luk or kayeri 16:14 Iomraidhean Croise

Matyu 23:13

Uhu mashi las nga Jisas ormu mbara, “Jir mashi Moseshin sawenda ma nga Farisi nga ji auheyeka, kumak avak kavak nakwa jir. Jir ma ol Avui Wasilakahi yanga orok ikwak hishiwa ma ondohi nombon arangonda jir. Jir orok ji ikwak hishinda ambu jir. Hako ma ol orok li ikwak hishiwa ma ondohi nombon os jimu arangonduwa.

Matyu 9:24

Urik ormu mbara, “Mbermbar hikrik ji tala ika! Jikisi toso hawa ambu sir. Tos men wa suknyandu.” Karem or mbarik orin li okolehe limu hayira.

Mashi jivi Jisashi Luk or kayeri 12:15

Karem or mbaha ormu sawera, “Ji auheyeka, mbele mbele mahik nanda ondon ji antlawa hala. Mbele mbele ondo mbeek jirin jelyakwa ambu lir.”

Mashi jivi Jisashi Luk or kayeri 20:47

Uhu nokove ol mumblak wahayandan li haimba handambaha mbele mbele lihin landa ola. Uhu os Avui Wasilakan li sawewa wolo mashi hombelakak li sawenak ma li misihi li mba, tondo ma jivi tolira, karem li mbakmbaha unda ola. Hako os Avui Wasilaka hulaima nokopman or heyembakmbaha or mbahanda wolo lir avak nomorawu wasilaka menden kishakwa lir.”

Mashi jivi Jisashi Luk or kayeri 23:35

Urik ma amber li tirsa li si heyerik Judama lida lihi olmu Jisasin okole mbara, “Or ma anandin jelyanda ri. Hako os or Krais, Avui Wasilaka kamashindak taha hulaima nokopman jivinakunda mak or na nahi, orhinjik or jelyaka.”

2 Timoti 3:2

Oro wolok hulaima nokopma lihikop hishikwa lir, mbeek ma anandi nga hishikwa ambu lir. Ya mendenjik hishombashiowekwa lir. Uhu hi lihin hauowehe yerkujikwa lir. Ma amber hom mashi kavakavan li mbaha okolekwa lir. Uhu mbeek avoko nijava lihi mashi lihin misikwa ambu lir. Uhu ma ol lirin armek undan armesarmek mbakwa ambu lir. Lirin kavak ukwa ola. Avui Wasilakahi mashin li misikwa kas nga wavu lihik nakwa ambu sir.

Hibru 11:36

Avui Wasilakan hishindiyandari ma lal li wakoroho li hukwakoltolori lir. Ushihi kuvu kwambuk li ishihi li layi krawu akak li eweshirik lindari lir.