Mashi jivi Jisashi Luk or kayeri 14:11 - Nupela Testamen long tokples Mende long Niugini

¹¹ Uwa osik ji misi. Ma or hi orhin orhinjik metenjek hauowewa, avak Avui Wasilaka hi orhin or hakaowekwa ora. Hako ma or orhinjik hafaka liwa, avak Avui Wasilaka hi orhin metenje mendek or hauowekwa ri.”

Mashi jivi Jisashi Luk or kayeri 14:11 Iomraidhean Croise

Matyu 23:12

Hako os jihinjik ji yerkujihi ji mba, “An malakama anira.” Karem ji mba nahi, kumak avak Avui Wasilaka or unak hi jihi si rakanak humblarakwa jir. Hako os jihinjik ji hafakaha ji li nahi, kumak avak or unak hi jihi wasilakak nakwa sir.”

Mashi jivi Jisashi Luk or kayeri 1:51

Tava orhik lerawu wasilakan landa ri. Ma misambik fehe ol lihinjik hishihi mba, “Nir malakama nir,” karem hishihi hi lihin hauowenda ma ondon avak or kria ermbekwa lir.

Mashi jivi Jisashi Luk or kayeri 1:52

Malakama ol kwambu nga nanda ondon or mbanak hi lihi avak mendek nakwa sir. Hako ma ol hi ngashi ambu ondo hi lihin hauewekwa ri.

Mashi jivi Jisashi Luk or kayeri 14:12

Urik Jisas Farisi hiyawu mashama oton ormu sawera, “Os hiyawu laka las mi ukuna wolo avak mahasanje mihi nga mihi kuvu ondo nga ya ngashi ma ondo nom ushanak li ra awa hala. Mberem ushiwak? Lir avak akwa wasa mihin hakwa lir. Ushinak kumak mbele las lakwa ambu mir.

Mashi jivi Jisashi Luk or kayeri 18:14

Uhu Jisas mu mbara, “Jirin amu sawenduwa. Ma or takis yan landa ma oto Avui Wasilakahi misokomek jivik or naha indik aka orhik ormu ira. Hako Farisi oto, wahau. Mberem ushirik? Ma ol hi lihin hauowenda ondo Avui Wasilaka hi lihin or hakaowenda lir. Ma ol lihinjik hafakaha liwa, Avui Wasilaka hi lihin or hauowenda lir.”

Jems 1:9

Jir Jisasin tiyanda ma jirin ji misi, os erndakavak ji na nahi, ji rupshika. Mberem ushiwak? Kumak avak Avui Wasilaka hi jihin or hauowekwa jir.

Jems 4:10

Os jihinjik ji hafakaha ji mba, “An mbeek anhinjik jivik a nandahi ambu nir,” karem ji mba nahi, Avui Wasilaka avak jirin jelyakwa ri.

Jems 4:6

Hako Avui Wasilaka nirin or jelyashinak avak mbele mbele ol nirin uwak orin ni halahanda ondo nga ni anajihi ni tukrukwa lir, os jekamba orhik karem li kayehendari hom, “Ma ol lihinjik shisharmblaha mba, “An aninjik a undahi nir,” karem mbawa ma ondo Avui Wasilaka mbeek or jelyakwa ambu lir. Hako ma ol lihinjik hafakaha Avui Wasilaka lirin or jelyakwak hishiwa ondo avak or jelyakwa lira.” Sindoun 3:34

1 Pita 5:5

Jikanda ermbasi jirin, ji misi. Jir sios lida ondo lihi siyok ji sihi mashi lihin ji misindiyaka. Uhu jir amber jihinjik ji hafakaha ji anafaha ji lika. Mashi Avui Wasilakahi karem mbandari osa, “Avui Wasilaka ma or hi orhin orhinjik hauowenda ma oto hi orhin or halawak takanda sir. Hako ma or hafaka linda man armek unda ri.” Sindoun 3:34 Karem mbanda mashin angop ji misinda sir.

1 Pita 5:6

Uwa osik jir jihinjik ji hafakaha kwambu Avui Wasilakahi siyok ji sika. Uhundanak kumak os or mbahanda wolok si nanak hi jihi avak metenjek or hauowekwa sir.