Mashi jivi Jisashi Luk or kayeri 10:40 - Nupela Testamen long tokples Mende long Niugini

⁴⁰ Hako Marta hiyawun si ukuri wasilakak si nashirik Jisasik si ihi simu mbara, “Wasilaka, maha anhi toso anin si halashiwak nendekop akwan amu unduwa. Wa, mi heyewa kom? Mi mbashinak si raha anin si jelyaka.”

Mashi jivi Jisashi Luk or kayeri 10:40 Iomraidhean Croise

Matyu 14:15

Am si homirik ol orin tiyandari ma li taha limu mbara, “Ayo, am homir te. Tos ni liwa mishi ma ngashi ambu re. Tondon mbashinak yanga pasir nanda mishi orok li layihi akwan li frungawuka.”

Matyu 16:22

Urik Pita mashi oson or misihi Jisasin or laha apsham fri sihi kwambuk ormu mbara, “Wasilaka wahau, oso mbeek mihik erem nakwa ambu sir te!”

Mashi jivi Jisashi Mak or kayeri 3:21

Urik jimatama orhi mashi oson li misihi orin yangak li laha ikurik limu rara. Li raha orin li heyehe limu mbara, “Ayo, ma roto angop ambasiwa tori te.”

Mashi jivi Jisashi Luk or kayeri 10:38

Jisas nga orin tiyandari ma ondo nga limu ira. Li ihi yanga lasik limu layira. Nokove las orok lindari sir. Hi sihi Marta sira. Jisasin si heyehe si rupshihi orin aka sihik simu la layira.

Mashi jivi Jisashi Luk or kayeri 10:41

Karem si mbarik Wasilaka mu mbara, “Marta, Marta, nyir mbele mbele ondonjik hishombashiowew te.

Mashi jivi Jisashi Luk or kayeri 12:29

Uwa osik avak mbele mbele akwanjik ji hishihi ji holowa hala.

Mashi jivi Jisashi Luk or kayeri 9:55

Hako Jisas fririn or tormble heyehe ormu fririn ngriara.

Mashi jivi Jisashi Jon or kayeri 11:1

Ma lar kavamisiri ria. Hi orhi Lasarus oria. Or jikaha orhi Marta fre Maria nga yanga Betanik lindari lira.

Mashi jivi Jisashi Jon or kayeri 11:5

Jisas Lasarus nga jikaha orhi Marta fre Maria nga or rupshi mendendari lira.

Mashi jivi Jisashi Jon or kayeri 12:2

Urik hiyawu las Jisas nga li akmbaha limu ura. Akurin li urik Marta mu akwan lala lahara owera. Urik Lasarus er nga orok or lihi akwan nakrem limu ara.

Mashi jivi Jisashi Jon or kayeri 6:27

Jir akwa tos misambik fehe kavak nandanjik ji hishihi ji yawa hala, wahau. Hako os ermba ermbak linda oson ji lakundanjik ji hishihi ji yaka. Avui Wasilaka jikisi orhi oto nom oson jirin hakwa ri. Lerawu oson or lakmbaha Avui Wasilaka orin or mbashirik rari ri.”