Mashi jivi Jisashi Luk or kayeri 10:34 - Nupela Testamen long tokples Mende long Niugini

³⁴ Uhu pasir or i sihi wel uku nga wain uku nga oje orhin or ngoroho normu ishira. Uhu orin or larasa kishaha donki heyek or hauowe laha tenje akak ormu laha ira. Uhu or layi ewehe orin armek ormu ura.

Mashi jivi Jisashi Luk or kayeri 10:34 Iomraidhean Croise

Mashi jivi Jisashi Mak or kayeri 14:8

Nokove toso mbele mbele am si ukwak si hishihi si uwa sir. Os si uwa oso kumak an hakundan si hundujewa sir.

Mashi jivi Jisashi Luk or kayeri 10:33

Ushirik yanga Samariak fehe ma lar nombo orok or taha ma oton ormu heyera. Or heyehe wavu orhi nga ornjik ormu holora.

Mashi jivi Jisashi Luk or kayeri 10:35

Wahandaha ya lakak aka mashama oton or haha ormu sawera, “Mir ma toton armek u. Os ya mihi lal er nga ma totonjik mi ermbe nahi, indik a rawa wolo avak ya wasa mihin a hakwa nir,” karem ormu mbara.”

Mashi jivi Jisashi Luk or kayeri 2:7

Uhu jikismaifu hulayi sihi oton simu wara. Uhu kowarmbak orin si hevehe bokis os bulmakau andari orok si oweshirik ormu wara. Mberem ushirik? Ma musha mendek orok li tirsari osik mbeek aka os fri likuri mishi kas nga nari ambu sir.

Jekamba Pol ol yanga Romik lindanjik or kayeri 12:20

Hako mashi os jekamba orhik karem li kayehendari hom ji uka, “Os wutari jihi erengha nahi, akwan ji hanak li aka. Uhu os li uksem ha nahi, uksemben ji hanak li aka. Os erem ji uwa, avak li heyehe kavakava os jirin li unda oson li hishihi humblarakwa lir.”

1 Tesalonaika 5:15

Hako os ma jirin kavak li uwa, jir nga lirin wasan kavak ji uwa hala. Ermba ermbak jihi ambek jivijivikop ji uhu, ma anandi er nga armek ji uka.