Mashi jivi Jisashi Luk or kayeri 1:43 - Nupela Testamen long tokples Mende long Niugini

⁴³ An mberem mende a nanda osik Wasilaka anhi nijava orhi anin nyi heyekmbaha nyi randu?

Mashi jivi Jisashi Luk or kayeri 1:43 Iomraidhean Croise

Matyu 12:46

Jisas mashin or sawerako namber, nijava orhi nga jimatama orhi nga orin li heyekmbaha li taha hikrik limu sira.

Matyu 3:14

Or rarik Jon orin or heyehe ormu mbara, “Ayo, mir Wasilaka anhi om te! Mberemhi os mirin fak a tolofalekmbaha mi randuwa? Mirtonom anin fak tolofalendahik nawa mira, an wahau.”

Mashi jivi Jisashi Luk or kayeri 1:42

Urik wasilakak si ushaha simu mbara, “Avui Wasilaka angop nyirin armek uwa ria. Os nyirin armek or uwa oso himi kas mbeek nokove lal erem or ukwa ambu lir. Uwak jikisi or sungu akome nyihik wawa oto er nga armek or ukwa ri.

Mashi jivi Jisashi Luk or kayeri 1:44

Os nyi raha anin, apmanuwa, karem nyi mbawak a misiwak jikisi or sungu akome anhik wawa oto or rupshihi ormu tormblewa.

Mashi jivi Jisashi Luk or kayeri 2:11

Ter kolaka Devithi orok nokove las angop jikishulayi lar wawa sir. Jikisi oto jirin jivinakunda ma ri. Or Wasilaka jihi Krais, Avui Wasilaka kamahanda ma ri.

Mashi jivi Jisashi Luk or kayeri 7:7

An ma jivi ambu nir. Karem a hishihi a raha mirin a heyekwa os amu halawa. Hako, mir mashikop mbanak anjik lerawun landa ma oto avak jivik or naka.

Mashi jivi Jisashi Jon or kayeri 13:13

Jir an Tisak mbanda jir. Uhu anin, Wasilaka jihi, karem anin mbanda jir. Wa, jivi sira, os erem ji mbanda oson. An Tisa jihi nira. An Wasilaka jihi nira.

Mashi jivi Jisashi Jon or kayeri 20:28

Karem or mbarik Tomas mu mbara, “Mir Wasilaka anhi mira. Mir God anhi mira.”

Filipai 2:3

Jir jihinjik ji rupshikmbaha lerawun ji lawa hala. Uhu jihinjik ji hishihi hi jihin ji hauowewa hala. Hi jihin ji halanak si rakanak hafakaha ji lika. Uhu karem ji hishi, ma anandi jirin li tikrihi jivik nanda lir, karem ji hishika.

Filipai 3:8

Nombo nombo ondo mbeek man jelyakwak nanda ambu lir, wahau. Wasilaka anhi Krais Jisasin hishindiyanda nombo oso nom nombo nombo ondon tikrirakonda sir. Ushiwak a heyehe nombo nombo ol mas a tiyandari ondo kava, karem a hishihi na halaha Krais Jisasin amu tiyanduwa.