Mashi jivi Jisashi Jon or kayeri 8:9 - Nupela Testamen long tokples Mende long Niugini

⁹ Urik ma amber mashi oson li misihi avok avoko masmas namtarmba namtarmbak li longlongo rala irik jikanda er nga kumasihi irakori lir. Ma ondo amber li irakoshirik Jisas nga nokove oso nom nga orok frimu sira.

Mashi jivi Jisashi Jon or kayeri 8:9 Iomraidhean Croise

Mashi jivi Jisashi Luk or kayeri 13:17

Karem or mbarik ma ol orin waplelenari ma limu humblarara. Hako ma amber mbele mbele jivi ol or urin li heyehe limu rupshira.

Mashi jivi Jisashi Jon or kayeri 8:10

Uhu or usasihi ormu silira, “Nyirin kotim ukwak siwa ma ondo mbeek li irakondu? Ma lar nyrin kotim ukwak sindar mo?”

Mashi jivi Jisashi Jon or kayeri 8:12

Ushihi Jisas indik mashin ormu ewesawera, “Ukruharanda misambi torok takahanda anira. Ma or mashi anhin misindiyawa ma oto mbeek nirtle nirndum yaha tukuyikwa ambu ri. Or ukruharanda anhi orokop or ihi nombo os ermba ermbak linda mishi orok inda nombon heyekwa ri.”

Mashi jivi Jisashi Jon or kayeri 8:2

Orok or lawuhu wahandaha nirsumbu mendek tempel akak indik ormu layira. Urik ma mushak orhik li ralandirsarik mashin ormu owesawera.

Mashi jivi Jisashi Jon or kayeri 8:3

Urik mashi Moseshin sawendari ma lal nga Farisi lal nga nokove las orhik limu laharara. Nokove oso hulatolhakarik li heyehe sirin li lahara halashirik ma ondohi nindik osmu sira.

Mashi jivi Jisashi Jon or kayeri 8:8

Karem or mbaha or taka lihi indiyok misambik ormu kayera.

Jekamba Pol ol yanga Romik lindanjik or kayeri 2:15

Nindi wolo las mbele kava os li uwan li hishihi karem mbanda lir, “Kas karem a uwa kaso kava sir.” Hovok nindi wolo las mbele jivi os li uwan li hishihi karem mbanda lir, “Kas karem a uwa kaso jivi sir.” Os erem li unda oso osmu mukunduwa, Avui Wasilaka lo orhin angop sunguwavu lihik or eweshindak lir lihinjik mbele mbele os li undan eweieweiheyenda lir.

Jekamba Pol ol yanga Romik lindanjik or kayeri 2:22

Uhu os ji mba, “Avak nokophirmbiriwa hala.” Karem ji pantleshihi jihinjik os jimu nokophirmbirinduwa. Uhu os ji mba, “Ma tavak li unda god ondo kava lir. Pasir i siwa hala.” Karem ji pantleshihi jihinjik haiten ma ondo li lotu unda aka lihik ji ihi mbele mbele lihin jimu landuwa.

1 Jon 3:20

Hako os kavakava os mas kormbak ni sawehenda las indik wavu nihik si tasa nahi, os erem tasawan avak indik ni hishihi karem ni mbanan, Avui Wasilaka kavakava kas a undarin am or laha ermberi os mo wahau? Karem ni hishiwa hala. Mberem ushiwak? Oso angop ni sawerik or laha ermberi sir. Uhu os or laha ermbenda oson mbeek indik or hishinda ambu sir, wahau. Angop or hishanda sir.