Mashi jivi Jisashi Jon or kayeri 7:12 - Nupela Testamen long tokples Mende long Niugini

¹² Hako ma musha mendek Jisasin limu mbara, “Ma oto ma jivi ria.” Hako lal limu mbara, “Wahau te! Haimba handambanda ma ria.”

Mashi jivi Jisashi Jon or kayeri 7:12 Iomraidhean Croise

Matyu 21:46

Ushirik orin li tolokurik hishiri lir. Hako hulaima nokopma, Jisas profet, karem li hishiri osik li ajehe limu halara.

Matyu 27:63

Uhu limu mbara, “Awasayi, ma oto karem mbari ri, “An niri frijip mawak a wakwa nira. Uhu indiyok a usahakwa nira.”

Mashi jivi Jisashi Luk or kayeri 18:19

Urik Jisas mu orin sawera, “Mberem ushiwak an jivi, karem mi mbandu? Avui Wasilaka ortonom jivi ria.

Mashi jivi Jisashi Luk or kayeri 23:47

Urik ma or maifuhu awun undari ma oto oson or heyehe hi Avui Wasilakahin or hauowehe normu mbara, “Omendinga sira. Ma roto ma worna ma toria. Or mbeek musa las nga nawa ambu ria.”

Mashi jivi Jisashi Luk or kayeri 23:50

Judama lar yanga orok lindari ri. Hi orhi Josep. Kuyanga Arimateak fehe ri. Or ma jivi ma worna ma ri. Uhu Judama lida lihi lar oria. Hako or mbeek lida ome lal Jisasin li mandingormekurik li mbari hom mbari ambu ri. Or Avui Wasilaka orhi man or arangoshinak li likwan nikishindari ria.

Mashi jivi Jisashi Luk or kayeri 6:45

Ma jivi wavu orhi ukwa jivi hom nanda sir. Mbele mbelen or uwak ukngrahambi hom osmu orhik tasawak nimu heyenduwa. Ma kava wavu orhi ukwa kava hom nanda sir. Uwak mbele mbele kava os or uwa uku kava krupshinda hom osmu orhik tasawak nimu heyenduwa. Mbele mbele os sunguwavuk si nawa hom tajek si tasawak ormu mbanduwa.”

Mashi jivi Jisashi Luk or kayeri 7:16

Urik ma ondo os Jisas uri oson li heyehe limu aje mendera. Uhu hi Avui Wasilakahin metenje mendek li hauowehe limu mbara, “Profet malakama lar angop nihi nindik talawa ri.” Uhu limu mbara, “Avui Wasilaka hulaima nokopma orhin jelyakmbaha tawa ri,” karem limu mbara.

Mashi jivi Jisashi Jon or kayeri 6:14

Ma ondo Jisas ma undahi ambu oson or urik, li heyehe limu mbara, “Omendinga sira. Ma toto profet oria. Ma or ni nikishinda ma toria.”

Mashi jivi Jisashi Jon or kayeri 7:32

Farisi li misiri ma amber Jisas nom limu mbara. Uhu bikpris ondo nga li tirsaha ma ol tempel akan washilinda ma ondon li mbashirik Jisasin li tolokurik limu ira.

Mashi jivi Jisashi Jon or kayeri 7:47

Urik olmu mbara, “Ma amber angop or haimba handambari lir. Jirin er nga haimba handambawa or?

Mashi jivi Jisashi Jon or kayeri 7:52

Karem or mbarik limu mbara, “Wa mir er nga Galilik fehenda om? Os mashi Avui Wasilakahin armek mi heye nahi, mir er nga karem mbakwa mira, profet lar mbeek Galili yok takwa ambu ri,” karem limu orin ngriambara.

Mashi jivi Jisashi Jon or kayeri 9:16

Karem or sawerik Farisi lal olmu mbara, “Sabat wolok lerawun lawa ma oto mbeek Avui Wasilakahik tawa ambu ri.” Hako lal olmu mbara, “Wahau, or kavakavan unda ma ambu ri. Os kavakavan or undakop mbeek mbele las ma undahi ambun uwa ambu ri.” Karem li mbaha wavu lihi mbeek nakrem nari ambu sir, apshamba apshambak hishiri lir.

Aposel 11:24

Barnabas oto ma jivi mendek or narik Masikome Avui Wasilakahi orhik or sishirik kwambu mendek Wasilakan hishindiyandari ri. Uri osik mashin or sawerik ma musha mendek Wasilakan limu wavu lihik owera.

Jekamba Pol ol yanga Romik lindanjik or kayeri 5:7

Ma misambik fehe lar mbeek ma larin jelyaha orhi farniyik hakwak hishinda ambu ri, wahau. Hako os ma jivi mende lar na nahi, ma lar am orin jelyakwak hakundar? Ma am te. Lar am erem ukundar mbe?

Filipai 2:14

Avak wavu musha mushak ji hishihi ji turamaraha anamba anambawa ji hala. Mbele mbele ol Avui Wasilaka ji ukmbaha or mbahanda ondon ji uka.