Mashi jivi Jisashi Jon or kayeri 5:10 - Nupela Testamen long tokples Mende long Niugini

¹⁰ Urik Judama lal ma oton li heyehe limu mbahanjira, “Ter osmu Sabatik nanduwa. Mberem ushiwak kawu mihi oso nga mi laha yanduwa? Os erem mi uwa kava sir. Lo os Moses nirin or hari oson os mimu haploronduwa!”

Mashi jivi Jisashi Jon or kayeri 5:10 Iomraidhean Croise

Matyu 12:10

Urik ma tava kavak nandari lar er nga orok liri ria. Urik ma lal Jisasik li taha limu silira, “Os ma lar Sabat wolok ni mbanak jivik or nakwa oso jivik nawa os mo wahau? Lo nihi mberem si mbandu?” Os erem li siliri men orin li mbanak or mbanak li heyekmbaha li mbari sir. Mbele las or unak kavak si nanak li heyehe orin li kotim ukmbahan.

Mashi jivi Jisashi Mak or kayeri 2:24

Urik Farisi lal li heyehe limu mbara, “Ayo, mberem ushiwak mirin tiyanda ma ondo os lo si pantlehendan Sabat wolok li undu?”

Mashi jivi Jisashi Mak or kayeri 3:4

Urik Jisas ma ol aka orok liri ondon or heyehe ormu silira, “Sabat wolok lerawu jivin ni landa on mo, lerawu kavan ni landa on? Mashi Moseshi mberem sivai mbandu? Man ni jelyawa os mo man ni mandingormewa os?” Karem or silirik lir mbeek mashi las nga mbari ambu lir, wahau, mayam siri lir.

Mashi jivi Jisashi Luk or kayeri 13:14

Hako ma or Judama lotu undari aka oson washilindari ma oto Jisas nokove oson Sabat wolok or mbarik jivik si narik or heyehe ormu waplelenara. Uhu ma ol orok liri ondon ormu sawera, “Niri 6-pela lerawun ni landa wolo sira. Os ma toto kavamisinda jihin or mbanak jivik ji nakwak ji hishi nahi, wa, lerawun ni landa wolok ji raka. Hako Sabat wolok nembes.”

Mashi jivi Jisashi Luk or kayeri 23:56

Uhu li heyeshihi indiyok aka lihik li ihi mbele mbele ol arme kuvasahandari nga wel uku ondo nga limu hundujera. Hako Sabat wolok si nashirik lo os si mbandari hom limu halashi wandara.

Mashi jivi Jisashi Luk or kayeri 6:2

Urik Farisi lal li heyehe limu mbara, “Mberem ushiwak os Sabatik ni lakwan lo si pantlendan ji landu?”

Mashi jivi Jisashi Jon or kayeri 1:19

Judama li mbashirik pris lal nga Livaihi krahak fehenda ma lal nga Jerusalemin li halaha Jonik li raha orin limu silira, “Mir lawe mir?”

Mashi jivi Jisashi Jon or kayeri 5:11

Urik ormu mbara, “Ma or anin mbawak jivik a nawa ma oto mbashiwak kawu anhin amu laha yanduwa.”

Mashi jivi Jisashi Jon or kayeri 5:15

Karem or mbarik ma oto or ihi Judama ondon ormu sawera, “Ma or anin mbarik jivik a nari ma oto Jisas oria.”

Mashi jivi Jisashi Jon or kayeri 5:16

Karem mbarik Judama ondo Jisasin limu wapkava hishira. Mberem ushirik? Ma oton Sabatik or mbarik jivik nari ora.

Mashi jivi Jisashi Jon or kayeri 9:16

Karem or sawerik Farisi lal olmu mbara, “Sabat wolok lerawun lawa ma oto mbeek Avui Wasilakahik tawa ambu ri.” Hako lal olmu mbara, “Wahau, or kavakavan unda ma ambu ri. Os kavakavan or undakop mbeek mbele las ma undahi ambun uwa ambu ri.” Karem li mbaha wavu lihi mbeek nakrem nari ambu sir, apshamba apshambak hishiri lir.