Mashi jivi Jisashi Jon or kayeri 4:6 - Nupela Testamen long tokples Mende long Niugini

^6-8 Ukwa las Jekop maskop or korondari oso yanga orok nandari sira. Am takondik si narik Jisas or taha nor krehe ukmashi orok ormu limasira. Ol orin tiyandari ma ondo angop akwan li frungawukmbaha li ishirik Jisas nendekop orok liri ria. Urik Samariak fehenda nokove las ukun si tarmukurik orok simu tara. Urik Jisas ormu silira, “Uksembe kas anin hanak a aka.”

Mashi jivi Jisashi Jon or kayeri 4:6 Iomraidhean Croise

Matyu 27:45

Ta am komek or sirik kolok si krinyaha simbalesik misambin er simu tangna arangorakora. Si naha ihi homi avi li mbari wolok indik simu harara.

Matyu 4:2

Uhu orok or lihi niri 40-pelak akwan or halari osik ormu erenghara.

Matyu 8:24

Li irik suwa wasilaka mendek fa orok si tasarik uku bot akome orok si layihi si hojekurik simu nara. Hako Jisas bot akome orok ormu suknyara.

Mashi jivi Jisashi Luk or kayeri 2:7

Uhu jikismaifu hulayi sihi oton simu wara. Uhu kowarmbak orin si hevehe bokis os bulmakau andari orok si oweshirik ormu wara. Mberem ushirik? Ma musha mendek orok li tirsari osik mbeek aka os fri likuri mishi kas nga nari ambu sir.

Mashi jivi Jisashi Luk or kayeri 9:58

Karem or mbarik ormu mbara, “Yawur mi hishishihin. Asa tarmbe wa ngashi lir. Avi aviwusi ngashi lir. Hako Ma Jikisi Avui Wasilakahi aka os or wakwa mishi nga nanda ambu ri.”

Mashi jivi Jisashi Jon or kayeri 11:9

Karem li mbarik ormu mbara, “Tandi wolo lerawun ni landa nir. Hako si krinyawa wolo mbeek lerawun ni landa ambu nir. Ma ol ta jiwa wolok yanda ondo mbeek takatukuyinda ambu lir. Harawak heye yanda ola!

Mashi jivi Jisashi Jon or kayeri 4:12

Misumu nihi Jekop maskop or korondari ukwa tosira. Or nga jikisi orhi nga bulmakau, sipsip orhi nga li uksem andari mishi tosira. Hako mir am orin tikrindahik nanda om? Karem mimu hishindu?”

Mashi jivi Jisashi Jon or kayeri 4:5

Or ihi yanga Sikarik ormu talara. Sikar oso Samariak fehenda ma ondohi yanga las osira. Misambi os Jekop jikisi orhi Josepin or halahandari mishi oso nga pasir nandari sira.

2 Korin 8:9

Wasilaka nihi Jisas Krais man or jelyandari nombo angop ji heyeri sir. Or mbele mbele mushak nandari ri. Hako nir amber or jivinakmbaha erndakava hom or naha tari ri. Ushinak Avui Wasilaka jirin armek or unak jipjip ji likmbahan. Uwa osik os jirin erem or unda hom jir nga erem man ji jelyaka.

Hibru 2:17

Uri osik nir ma misambik fehe hom or naha maome nga nari ri. Uhu ormu hetpris nihik nari ri. Uhu nirnjik or hishihi nor holoho lerawu os Avui Wasilaka orin or harin er lari ri, mbeek halari ambu ri. Lerawu os or lari karem, kavakava ni undarin or yoko ermbekurik hari ria.

Hibru 4:15

Hetpris nihi oto nirin angop or heyenda nir. Nir mbeek kwambu nga ni nanda ambu nir. Mbele las os nihik si tala nahi, lewas ni takatukuyikwa nir. Mbele mbele kava tol nihik talawa tondo angop orhik talarik or heyeri lir. Hako mbeek tukuyiri ambu ri. Unda osik os mbele kava lal nirik li tala nahi, or nirnjik or hishihi nor holoho nirnjik sikwa ria.