Mashi jivi Jisashi Jon or kayeri 21:5 - Nupela Testamen long tokples Mende long Niugini

⁵ Urik ormu silira, “Awasayi, foome lal am jimu krundu mo?” Karem or silirik limu mbara, “Wahau te!”

Mashi jivi Jisashi Jon or kayeri 21:5 Iomraidhean Croise

Matyu 14:15

Am si homirik ol orin tiyandari ma li taha limu mbara, “Ayo, am homir te. Tos ni liwa mishi ma ngashi ambu re. Tondon mbashinak yanga pasir nanda mishi orok li layihi akwan li frungawuka.”

Mashi jivi Jisashi Mak or kayeri 8:7

Urik lir foome lal er nga limu laharara. Urik Jisas foome ondon or laha Avui orhin armesarmek or sawehe ormu mbara. Uhu foome ondon er nga ma ol orin tiyandari ondon or harik lir nga mu ma ondon hara.

Filipai 4:19

Or mbele mbele jivi tontlo oria. Anin or jelyashiwak jip a linda nir. Unda hom mbele mbele ol ji frunguwa ondo avak or hakwa lir. Mberem ushiwak? Avui Wasilaka or mbashirik Krais Jisas jirnjik or hahanda oson hishiowenda oja.

Hibru 13:5

Ji misi, Avui Wasilaka orhinjik karem or mbari sir, “An mbeek jirin a halakwa ambu nir, wahau. Ermba ermbak jirin a jelyakwa nir.” Karem or mbari osik jir avak ya mendenjik ji hishombashiowewa hala. Mbele mbele ol jihik nawan ji heyehe, ambehoma, karem ji mbaka. Mberem ushiwak? Or mbeek jirin halakwa ambu ri.

1 Jon 2:13

Jir avokok nawa jirin, jirnjik mashi kason amu kayenduwa. Ma or mas araje wolokop nahandarin angop ji heyeri ri. Jir jikanda jirin, jirnjik mashi kason amu kayenduwa. Ma kava oton angop ji tukru ermberi ri.

1 Jon 2:18

Jikisi anhi jirin ji misi, mbele mbele am mendek si nakwa wolo osmu pasir nanduwa. Mas angop li sawerik ji misiri sir, mbele mbele am mendek si nakuna wolo ji heyenak wutari Kraishi avak talakwa ri. Karem li sawerik ji misiri osa. Uwosik ter os jimu heyenduwa, ter wutari Kraishi musha mendek olmu talanduwa. Oson ji heyehe ji hishika, mbele mbele am mendek si nakwa wolo ambe ambek osmu nanduwa.