Mashi jivi Jisashi Jon or kayeri 21:2 - Nupela Testamen long tokples Mende long Niugini

² Os or talari wolo Saimon Pita nga, Tomas Didimus nga, Nataniel yanga Kana Galilik fehenda oto nga, Sebedihi jikisi ovro nga, maome frijip er nga, leuku orok limu lira.

Mashi jivi Jisashi Jon or kayeri 21:2 Iomraidhean Croise

Matyu 10:3

Uhu Filip, Bartolomyu, Tomas, Matyu takis yan landa ma ria. Uhu Jems jikisi Alfiushi ria. Uhu Tadius.

Mashi jivi Jisashi Mak or kayeri 1:19

Hovok kandakar nga or ihi ma frijip ormu heyera. Ma ovro mahasanje vria, hi frihi Jems fre Jon, Sebedihi jikisi vria. Frir bot akomek fri lihi foom kowe os korori oson frimu indik nara.

Mashi jivi Jisashi Luk or kayeri 5:10

Jems fre Jon Sebedihi jikisi op Saimon nga anatambuyandari frir er nga lishnyafa ajeri vria. Urik Jisas Saimonin ormu sawera, “Mir ajewa hala. Ter foomen mimu kruwunduwa. Hako kumak hulaima nokopman anhik laharakwa mira.”

Mashi jivi Jisashi Jon or kayeri 1:45

Urik Filip or ihi ma lar, hi orhi Nataniel, oton or heyehe ormu mbara, “Nir ma or mas Moses nga profet ondo nga li mbahandari ma oton ni heyewa nir. Hi orhi Jisas oria. Kuyanga Nasaretik fehenda ria, Josephi jikisi ria.”

Mashi jivi Jisashi Jon or kayeri 11:16

Karem or mbarik orin tiyandari ma lar hi orhi Tomas, hi yeje orhi Didimus, ormu mbara, “Wa, ka ni ihi or nga ni haka!”

Mashi jivi Jisashi Jon or kayeri 2:1

Niri lap am fri ishirik yanga Kanak ma lar nokoplarik hiyawu las limu ura. Urik Jisas nijava orhi Maria er nga orok simu ira.

Mashi jivi Jisashi Jon or kayeri 2:11

Jisas mbele las ma undahi ambu maifu mendek yanga Kana provins Galilik or uri kasira. Maintontlo os or uri karem. Or hiushama kwambu nga nanda ria. Oson or urik ol orin tiyandari ma ondo li heyehe limu mbara, “Ma toto kwambu ngashi ria.”

Mashi jivi Jisashi Jon or kayeri 20:28

Karem or mbarik Tomas mu mbara, “Mir Wasilaka anhi mira. Mir God anhi mira.”

Mashi jivi Jisashi Jon or kayeri 4:46

Urik Jisas yanga Kanak ormu ira. Yanga oso mas uksemben or urik wain ukuk nari mishi sira. Urik malakamanjik lerawun landari ma lar Jisas yanga Kana orok or tarin or misihi orhik ormu tara. Ma oto jikisi orhi yanga Kaperneamik wasilaka mendek kavamisihi hakurik nari ri. Uri osik Jisashik or taha ormu tlara, “Wasilaka, jikisi anhi am hakwak naw te! Avak yanga Kaperneamik mi taha mi mbanak jivik or nawa.”