Mashi jivi Jisashi Jon or kayeri 21:1 - Nupela Testamen long tokples Mende long Niugini

¹ Niri lal am li ishirik Jisas indik ol orin tiyandari ma ondohik leuku Galili orok talari ri. Leuku oso hi yeje sihi Taiberias, karem li ushandari sir.

Mashi jivi Jisashi Jon or kayeri 21:1 Iomraidhean Croise

Matyu 26:32

Avak a hakwa nira. Hako indik a usaha masmas Galilik a inak jivai raka.”

Matyu 28:16

Jisasin tiyandari ma 11-pela ondo Galilik li ihi telemba os or mbari mishi orok limu lawura.

Matyu 28:7

Uhu kolok shi ihi os or usahawa mashi oson ol orin tiyanda man shi sawenak li misika. Or angop masmas Galilik iwa ri. Avak orok ji ihi orin ji heyekwa ri. Mashi kaso nom a sawekwak a rawa nir.”

Mashi jivi Jisashi Mak or kayeri 16:12

Urik Jisasin tiyandari ma frijip Jerusalemin fri halaha frimu ira. Nombok fri irik Jisas fririk ormu rara. Maome orhi apsham apsham er nari sir.

Mashi jivi Jisashi Mak or kayeri 16:14

Ma 11-pela ondo aka lasik li lihi li arik kolok Jisas mu talara. Or talaha lirin ormu mbara, “Jir mberem ushiwak os indiyok a usahawa mashi oson li sawewan ji misiwa ambu? Wavu jihi fenjeshiwak anin ji hishiowenda osmu mendek nandu?”

Mashi jivi Jisashi Mak or kayeri 16:7

Hako ji ihi ma ol orin tiyandari ondo nga Pita nga karem ji sawe “Jisas angop masmas yanga Galilik iwa ri. Avak Galilik ji ihi heyekwa ri, os mas jirin or saweri hom.” ”

Mashi jivi Jisashi Jon or kayeri 21:14

Oso hindi nalmingrip Jisas ol orin tiyandari mak or talari sir. Os or harik li wakor eweshirik indik or usaha misambik nor liri wolon.

Mashi jivi Jisashi Jon or kayeri 6:1

Ushihi Jisas leuku Galili kauyok ormu ira. Leuku oso hi yeje sihi Taiberias, karem li ushandari sira.

Mashi jivi Jisashi Jon or kayeri 6:23

Hako ter li heyeri bot lal ol nirik yanga Taiberias yok tari nom orok sirik li heyeri lir, os Jisas akwan or harik li ari mishi orok.

Aposel 1:3

Jisas nomorawun or kishaha miandok hari ri. Hako Avui Wasilaka mbarik indiyok or usaha niri 40-k aposel ondohik kormbak or talaha mbele mbelen or urik li heyekrahakoroho limu mbara, “Omendinga sira. Jisas or hari angop Avui Wasilaka mbarik usahari ria,” karem limu mbara. Os lihik or talari wolo, Avui Wasilaka arangoshinak jip li likuri oson ormu sawera.