Mashi jivi Jisashi Jon or kayeri 2:12 - Nupela Testamen long tokples Mende long Niugini

¹² Urik Jisas yanga Kana oson or halaha nijava orhi nga maha orhi nga ol orin tiyayandari ma nga yanga Kaperneamik limu layira. Uhu niri lal orok limu lira.

Mashi jivi Jisashi Jon or kayeri 2:12 Iomraidhean Croise

Matyu 11:23

Jir yanga Kaperneamik fehe jirin, jir am Avui Wasilaka mbanak hevenik ji lawuku? Karem jimu hishindu? Wahau. Mende indinga. Jir avak hik ikwa jir. Mberem ushiwak? Os ma undahi ambu os jihi nindik a urik ji heyeri hom yanga Sodom orok a uhundarikop Sodom mbeek kavak nari ambu sir. Uhundak ter er nawak ni heyewa sir.

Matyu 12:46

Jisas mashin or sawerako namber, nijava orhi nga jimatama orhi nga orin li heyekmbaha li taha hikrik limu sira.

Matyu 4:13

Hako or mbeek yanga Nasaretik iri ambu ri. Yanga Kaperneam leuku Galili nandari mishi orok or ihi liri ria. Misambi oso Sebulun nga Naptali nga frihi krahak fehendahi ma ondo misambi lihi sira.

Mashi jivi Jisashi Mak or kayeri 6:3

Uhu limu mbara, “Ma roto akan unda ma ri. Mariahi jikisi ria. Jimatama orhi tol lindu te, Jems, Josep, Judas, Saimon karem. Jikaha orhi tol nir nga lindu te. Hako mberemhi mashi tos ter or sawendua?” Karem li mbaha orin limu kumaifara.

Mashi jivi Jisashi Jon or kayeri 2:2

Urik Jisas nga ol orin tiyandari ma nga li mainhashirik limu ira.

Mashi jivi Jisashi Jon or kayeri 4:46

Urik Jisas yanga Kanak ormu ira. Yanga oso mas uksemben or urik wain ukuk nari mishi sira. Urik malakamanjik lerawun landari ma lar Jisas yanga Kana orok or tarin or misihi orhik ormu tara. Ma oto jikisi orhi yanga Kaperneamik wasilaka mendek kavamisihi hakurik nari ri. Uri osik Jisashik or taha ormu tlara, “Wasilaka, jikisi anhi am hakwak naw te! Avak yanga Kaperneamik mi taha mi mbanak jivik or nawa.”

Mashi jivi Jisashi Jon or kayeri 6:17

Am si krinyashirik or mbeek lirik tari ambu ri. Uri osik bot lasik li lawuhu nendekop Kaperneamik li ikurik limu ira.

1 Korin 9:5

Aposel ome lal nga jimatama Jisashi nga Pita nga lir nokove lihin li laha yanga yangak mashin saweyanda lir. Nokove lihi ondo er nga Jisasin hishindiyanda lir. Os shir nga lir unda hom shi saweya nahi, shir mbeek shi suruwa ambu shir.

Galesia 1:19

Hako oso wolo aposel ome lal nga na heyeri ambu nir. Wasilaka nihi maha orhi Jems oto nom a heyeri nir.