Mashi jivi Jisashi Jon or kayeri 18:4 - Nupela Testamen long tokples Mende long Niugini

⁴ Jisas mbele mbele os orhik talakurin angop or heyeri sir. Uri osik nor ihi ma ondon or heyehe ormu silira, “Lawe ji lasaranduwa?”

Mashi jivi Jisashi Jon or kayeri 18:4 Iomraidhean Croise

Matyu 16:21

Uhu Jisas ol orin tiyandari man os Jerusalemik or ikurin ormu sawera. Orok or inak Judama lida lihi nga bikpris nga mashi Moseshin sawendari ma nga orin li kumaifaha orin li mandingormeshinak niri frijip fri ishinak indiyok or usahakurin ormu sawera.

Matyu 26:2

“Niri frijip fri inak hiyawu Pasovan ni ukwa wolok osmu nanduwa. Oro wolok Ma Jikisi Avui Wasilakahi oton ma kavahi tavak li halashinak orin li jimandingormehe miandok li tirikwa ri.”

Matyu 26:21

Orok li lihi li aha ormu mbara, “Jihi lar avak anin tavarenje wutarihik hakwa ri.”

Matyu 26:31

Urik Jisas mu mbara, “Mas karem li kayeri sir, “Avui Wasilaka avak sipsipin washilinda man or jishinak sipsip orhi amber tulu ikwa lir.” Karem li kayeri osik avak nirik jir amber anin ji halaha tulukwa jir.

Mashi jivi Jisashi Luk or kayeri 24:44

Uhu lirin ormu mbara, “Os jir nga na liri wolo angop karem a saweri jir. Mbele mbele os maskop jekamba Moseshi nga profethi nga Buk Songik anin li kayehendari ondo omek talakwa lira.”

Mashi jivi Jisashi Jon or kayeri 13:1

Hiyawu Pasovan li ukuri wolo am pasir simu nara. Jisas angop or heyeri sir, os misambi toson or halaha indik Avui orhik or lawukurin. Or orhi ma ondon or rupshihi wapnuku orhik lirin or ewehe lirnjik or hakurin kormbak or mukuri lir.

Mashi jivi Jisashi Jon or kayeri 13:11

Jisas ma or orin tavarenje wutarihik hakuri ma orton angop or heyeri osik ormu mbara, “Namtar jihi mbeek jivik nawa ambu ri.”

Mashi jivi Jisashi Jon or kayeri 18:5

Karem or silirik limu mbara, “Nir Jisas Nasaretik fehendan nimu lasaranduwa.” Urik ormu mbara. “Wa, anira.” Judas er nga lihi nindik siri ri.

Mashi jivi Jisashi Jon or kayeri 18:7

Ushihi indik ormu silira, “Lawe ji lasaranduwa?” Urik limu mbara, “Nir Jisas Nasaretik fehendan nimu lasaranduwa.”

Mashi jivi Jisashi Jon or kayeri 19:28

Jisas or hishiri lerawu os or lakurik or tari osmu mendek nara. Urik mashi las mas jekambak li kayehendari oso omek si nakurik ormu mbara, “Jekapnashi anhi am hatlayiw te.”

Mashi jivi Jisashi Jon or kayeri 6:64

Angop a heyewa jir. Jir lal mbeek anin hishiowenda ambu jir. Karem uri osik angop jirin a saweri nir, ma lal mbeek lihinjik anhik tandahi ambu lir. Avui anhi nom sungu wavu lihin or jiwak anhik tanda lir.” Jisas ma ol mashi orhin tiyakurik nandari nga ma or orin wutarihi tavarenjek hakundari ma oto nga angop maskop or heyeri lir.

Aposel 2:28

Nombo os ermba ermbak linda oson angop anin mi mukuri sir. Avak mi halashinak an mir ngashi likwa shir. Uhu mi unak a rupshi mendekwa nir.” Mashi kaso Devit mu mbahandari sira. Buk Song 16:8-11

1 Pita 4:1

Krais maome orhik nomorawun kishari ria. Unda hom jir nga os or kishanda hom erem ji kishaka. Os Kraisin ji tiyanda nombo orok nomorawu jihik si talanak mayam ji kisha nahi, ma li heyehe karem mbakwa lir, “Ma tondo kavakavan li unda nombon angop halahanda lir,” karem mbakwa lir.