Mashi jivi Jisashi Jon or kayeri 18:3 - Nupela Testamen long tokples Mende long Niugini

³ Uri osik awun undari ma ol hetpris nga Farisi nga li mbashirik rari ondo er nga or laha Jisasin li tolokurik limu ira. Uhu lam nga tujaka nga li ukruhu korme sayi nga li kishaha limu ira.

Mashi jivi Jisashi Jon or kayeri 18:3 Iomraidhean Croise

Matyu 25:1

Jisas mashi las nga ormu mbara, “Os Ma Jikisi Avui Wasilakahi or takuna wolo avak sauheima kas nokopminyongo 10-pelak nawa hom nakwa sir. Nokopminyongo ondo lam lihin li laharaha ma or nokoplakurik tarin li nikishikurik limu ira.

Mashi jivi Jisashi Jon or kayeri 13:2

Am si krinyarik akwan li aha limu lira. Judas jikisi Saimon Iskariothi oto er nga orok liri ri. Laulaka mashi os Jisasin ma kavahi tavarenjek or hakuri oson angop wavu orhik or eweri sir.

Mashi jivi Jisashi Jon or kayeri 18:12

Urik ol awun undari ma komanda lihi nga, ma ol tempel akan washilindari ma nga li raha Jisasin li toloho tava orhin kuvuk limu ishira.

Mashi jivi Jisashi Jon or kayeri 18:18

Urik hetprishi akak lerawun landari ma ondo nga tempel akan washilindari ma ondo nga li hindiyaha li hiwaloho Pita er nga orok or lihi normu hiwalora.

Mashi jivi Jisashi Jon or kayeri 18:22

Karem or mbarik kolok tempel akan washilindari ma lar or usaha Jisasin or jimblalanaha ormu mbara, “Mberem ushiwa mendek hetprishi mashin mi siyasayanduwa?”

Mashi jivi Jisashi Jon or kayeri 19:6

Urik bikpris nga tempel akan washilindari ma nga orin li heyehe limu mbara, “Toton miandok tirika! Toton miandok tirika!” Urik Pailat mu mbara, “Jihinijk ji laha ihi miandok ji tirika. An mbeek mbele las or uwak kavak nawak a heyewa ambu nir.”

Mashi jivi Jisashi Jon or kayeri 7:32

Farisi li misiri ma amber Jisas nom limu mbara. Uhu bikpris ondo nga li tirsaha ma ol tempel akan washilinda ma ondon li mbashirik Jisasin li tolokurik limu ira.

Aposel 1:16

“Mahasanje anhi jirin, mas Masikome Avui Wasilakahi or sauharik mbele os Judashik nakurin Devit or mbahandari mashi oso osmu jekamba Avui Wasilakahik nanduwa, Judas oto nombon or mukushirik Jisasin li tolohondari ma ria. Devit mbari mashi oso osmu omendingak erem nari sira.

Aposel 10:1

Ma lar yanga Sisariak lindari ri. Hi orhi Kornilius oria. Or Romik fehe kepten oria. Awun undari ma 100 orhi siyok li sihi awun undari lira. Awun undari ma ondo, “Italik fehe awun unda ma” karem li ushandari ma lira.