Mashi jivi Jisashi Jon or kayeri 15:1 - Nupela Testamen long tokples Mende long Niugini

¹ Jisas mashi las nga ormu mbara, “Antonom mi wain indinga anira. Uwak Avui anhi noumashama ria.

Mashi jivi Jisashi Jon or kayeri 15:1 Iomraidhean Croise

Matyu 15:13

Urik ormu mbara, “Avui anhi or hevenik linda mbele mbele ol nowe orhik orhinjik or lahanda ambu ondon avak or kwaha nor ermbekwa lir.

Matyu 20:1

Uhu mashi las nga Jisas ormu mbara, “Avui Wasilaka hulaima nokopma orhin or arangoshinak orhi yangak li likwa oso karem nakwa osa. Noumashama lar nirsumbu mendek ma lal wain nowe orhik lerawun li lakmbaha or ushakurik ormu ira.

Matyu 21:33

Uhu Jisas ormu mbara, “Sauheima kason ji misi. Ma lar wain nowe las or laha inyin or washi arangoho wain siji omen li jimbresekundari las nga nor uhu nowen li washilikuri aka las nga ormu ura. Uhu nowe oson ma lalhi tavak or halashihi yanga lasik ormu ira.

Mashi jivi Jisashi Mak or kayeri 12:1

Urik Jisas sauheima las ormu sawera, “Ma lar wain nowe las or larakoho inyin or washi arangoho aka os nowe oson li washilikundari aka nga ormu ura. Uhu wain sijin li jimbresekundari mishin er nga ormu ura. Mbele mbele ondon or urakoho nowe oson ma lalhi tavak or halashihi yanga lasik ormu ira.

Mashi jivi Jisashi Luk or kayeri 13:6

Uhu Jisas sauheima las ormu sawera, “Ma lar mi fik oson nowe orhik ormu owera. Undarik ormu ra mi oson heyera, mi nivi nga si wa nahi, or numbakmbahan. Hako or ta heyeri mi nivi namtas mende mbeek orok wari ambu.

Mashi jivi Jisashi Jon or kayeri 1:9

Ukruharanda indinga os nombo Avui Wasilakahik indan mukunda oson laharakwa ma oto am or talakurik pasir si narik masmas mashi orhin sauhambakurik tari ria.

Mashi jivi Jisashi Jon or kayeri 15:2

Os mi tava anhi lal akwa ome nga li wana ambu nahi, Avui anhi or taha nor shintle ormbekwa lir. Hako mi tava ol akwa ome nga wawa ondon or munyaha nor shintle ermbeshinak mi jintla jip li rasaha akwa ome musha mendek wakwa lira.

Mashi jivi Jisashi Jon or kayeri 6:32

Urik Jisas mu mbara, “Omendingak jirin amu sawenduwa, Moses mbeek akwa oson misumu walanga jihin hari ambu ri, wahau. Ma or akwa omendingan handa ma oto Avui anhi ri. Or akwa yanga jivik fehendan jirin handa ria.

Mashi jivi Jisashi Jon or kayeri 6:55

Maome anhi akwa indinga sir. Fi anhi uku indinga sira.

Jekamba Pol ol yanga Romik lindanjik or kayeri 11:17

Judama ondo mi oliv waa hom nanda lir. Hako jir Judama ambu jir mi oliv mbale hom nanda jir. Hako Avui Wasilaka mi oliv waa tava sihi lal or tolkunya ermbeshihi oliv mbale tava yokon or tolkunya laharaha tava ol or kunya ermberi ondohi farniyik ormu haindisora. Ushihindak jir Judama ambu mi oliv waa oso uku si tiyashiwak os jimu jip linduwa.

1 Korin 3:9

Shir evrembam Avui Wasilakahi nowek lerawun landa ma shira. Uwak jir nowe orhi hom jimu nanduwa. Uhu aka orhi hom jimu nanduwa.

1 Jon 2:8

Hako ter osmu mashi akri hom kormbak talanduwa. Mberem ushiwak? Jisas mashi oson angop or tiyarakori sir. Uwosik jir er nga mashi oson os jimu tiyanduwa. Haranda indingo am si talashiwak nirtle nirndum nanda osmu mendek nakwak nanduwa.