Mashi jivi Jisashi Jon or kayeri 13:8 - Nupela Testamen long tokples Mende long Niugini

⁸ Karem or mbarik ormu mbara, “Mir mbeek kumba anhin yokondahi ambu mir, wahau.” Urik ormu mbara, “Os mirin a yoko nahi ambu, mir mbeek an ngashi likwa ambu mir.”

Mashi jivi Jisashi Jon or kayeri 13:8 Iomraidhean Croise

Matyu 16:22

Urik Pita mashi oson or misihi Jisasin or laha apsham fri sihi kwambuk ormu mbara, “Wasilaka wahau, oso mbeek mihik erem nakwa ambu sir te!”

Matyu 21:29

Karem or mbarik ormu mbara, “Wahau, an turaw.” Hako or lihi hishifuhu nowek ormu ira.

Matyu 26:33

Urik Pita mu mbara, “Os ma ondo amber mirin li hala nahi, an mbeek mirin a halakwa ambu nir.”

Matyu 26:35

Urik ormu mbara, “Wahau te! Erem a mbakwa ambu nir. Os mir nga shi ha, karem mbanda nahi, mir nga shi hakwa nir, an mbeek mirin a halakwa ambu nir.” Karem or mbarik ma amber or mbari hom limu mbara.

Mashi jivi Jisashi Jon or kayeri 13:6

Kumba lihin or yoko ihi Saimon Pitahi kumban or yokokmbaha ormu ura. Urik Pita mu mbara, “Wasilaka, mberema kumba anhin mi yokokwak mimu hishindu?”

Mashi jivi Jisashi Jon or kayeri 13:9

Karem or mbarik ormu mbara, “Wasilaka, os erem si naku nahi, wa kumba nom yokowa hala! Wa, simbalesik kumbatava masiji anhi nga yokoka!”

Mashi jivi Jisashi Jon or kayeri 3:5

Karem or mbarik ormu mbara, “An mbeek nijavahi sunguk mi layinak indik si wakwa mashin a mbawa ambu nir. Mashi os a mbawa karem, os ma lar uku nga Masikome Avui Wasilakahi nga ma akrik or nana ambu nahi, or mbeek Avui Wasilaka yanga orhi orok ikwa ambu ri, wahau.

Aposel 22:16

Hako nambek liwa hala. Kolok mi usaha hi Jisashin mi ushanak mirin li fak tolofaleshinak kava kava mihin or yoko ermbeka,” karem ormu mbara.

1 Korin 6:11

Jir mas erem undari jir. Hako Jisas Krais Wasilaka nihi lerawu orhin or lari orok os erem ji undari kava oson kwambu Masikome Avui Wasilakahik angop or yoko ermberi jir. Uhu or ushihindak ter misokome orhik jivi mendek ji naha ma worna mak jimu nanduwa.

Efesus 5:26

Erem or uri oso sios orhi undari kavakavan ukuk or yoko ermbekmba uri ri. Ushinak mashi Avui Wasilakahi sios orhik si nashinak sios orhi jivi mendek si nakmbahan.

Kolosi 2:18

Os ma lal li taha li mba, “An sukuk a heyewa Avui Wasilaka or mbawa osik anhinjik a hakalihi enselin amu lotu unduwa,” karem li mbawa, avak mashi lihin ji misiwa hala. Erem mbanda ma ondo wapkava hishihi wavu lihik li hishiwan li sawehe hi lihin hauowenda lir. Las avak mashi lihin ji misindiyaha Jisasin ji tiyanda nombon ji halanda ngashi.

Kolosi 2:23

Hemo, nombo ol ni tiyakmba li owesawenda ondo hikri yejen ni heyewa jivik nawak ni heyenda lir. Ma ol nombo ondon tiyanda ondo hikri yejen ni heyewa wavu namtaskop li hishihi sunguwavu lihi nga li haha nombo ondon tiyanda hom ni heyenda lir. Uhu lir hafakaha hangishalinda hom ni heyenda lir. Uhu lir misokome Avui Wasilakahik jivi mendek li nakmbaha maome lihik lerawu havakavan landa hom ni heyenda lir. Uhu ma ondo karem hishinda lir, “Ome sira. Nombo indinga tos nimu tiyanduwa,” karem hishinda lir. Hako erem li hishihi li unda nombo lihi ondo mbeek sungu masi nihi si mbaskashiwak ni unda kava nihin yoko ermbendahik nanda ambu sir, wahau.

Taitus 3:5

Mberem ni nandari mendenjik nirin or jivinar? Ma jivik ni nandari osik ormu nirin jivinar mo? Wahau te! Nir ma kavak ni nandari nir. Hako nirnjik or holoho ormu nirin jivinara. Kavakava nihin or yoko ermbeshihi Masikome orhin or hashirik nirin or urik ma akri mendek nimu nara.

Hibru 10:22

Unda osik nir nga avak pasir Avui Wasilaka or linda mishi orok ni ika. Uhu sunguwavu nihi mende nga karem ni hishika, or mbeek nirin kavak nakwa ambu ri, wahau. Jisas fi orhi os or ngorori oso si urik sunguwavu nihi misokome Avui Wasilakahik jivik nari sir. Uhu maome nihi er nga ukuk or yokoshihindak jivik nimu nanduwa. Karem or uhunda osik nir avak nombok Avui Wasilaka or linda mishi orok ni layika.

Revelesen 1:5

Jisas Krais Avui Wasilakahi mashi omendinga nom sawendari ri, mbeek mbafirimbandari ambu ri. Ma ol mas hahandari lal mbeek indik usahari ambu lir, wahau. Hako Jisas ortonom or haha maifu mendek usahari ri. Uhu malakama amber misambi torok fehenda lihi malakama ria. Halanak waprupshi orhi nga waphimbiji orhi nga jihik si naka. Jisas nirin or rupshi mendehe nirnjik hari ria. Fi orhik kavakava nihin or yokoshihindak orhi samban ni tlehe Avui Wasilakahi krahak nimu sinduwa.

Revelesen 7:14

Karem or silirik amu mbara, “Awasayi, an ondon na heyenda ambu nir. Hako mir angop mi heyenda lir.” Urik ormu mbara, “Ma ondo nomorawu wasilaka oso si talari wolo kwambuk li sihi toltambanaha mbeek halari ambu lir. Uhu kowe lihin angop Sipsip Jikisi fi orhik li yokoshirik jivi mendek nari lir.