Mashi jivi Jisashi Jon or kayeri 12:1 - Nupela Testamen long tokples Mende long Niugini

¹ Judama hiyawu wasilaka Pasovan li ukuri niri 6-pela li ishinakop li ukurik nari sir. Oro wolok Jisas yanga Betanik Lasarus, ma or harik or mbarik usahari oto nga, frimu lira.

Mashi jivi Jisashi Jon or kayeri 12:1 Iomraidhean Croise

Matyu 21:17

Karem or mba lafakaha Jerusalemin or halaha yanga Betanik or wakmbaha ormu ira.

Mashi jivi Jisashi Mak or kayeri 11:11

Karem li mbaha Jerusalemik limu tara. Urik Jisas tempel akak or layihi mbele mbele ol aka orok nandan ormu heyera. Hako angop si homirik or halaha ma 12-pela ondon or laha indik yanga Betanik li ihi orok limu wara.

Mashi jivi Jisashi Luk or kayeri 24:50

Karem or mbashihi orin tiyandari man or laha yanga Betanik limu ira. Am Betanik li ihi tavan or lalawuhu Avui Wasilaka lirin armek or ukmbaha ormu sawera.

Mashi jivi Jisashi Luk or kayeri 7:37

Kavakavan undari nokove las yanga orok lindari sira. Si misiri Jisas Farisi oto nga frimu ara. Urik nokove oso sunja botol os wel uku arme kuvasahandan li ngorohondari oson si laha simu tara.

Mashi jivi Jisashi Jon or kayeri 11:1

Ma lar kavamisiri ria. Hi orhi Lasarus oria. Or jikaha orhi Marta fre Maria nga yanga Betanik lindari lira.

Mashi jivi Jisashi Jon or kayeri 11:43

Karem or mbaha ormu ushara, “Lasarus, mir hikrik tala!”

Mashi jivi Jisashi Jon or kayeri 11:44

Urik Lasarus hikrik ormu talara. Kumba tava fumunyava orhin angop waskowarmbak li ishi arangori ri. Urik ormu mbara, “Kowe ondon ji tloloshinak or ika.”

Mashi jivi Jisashi Jon or kayeri 11:55

Hiyawu wasilaka Pasovan li ukuri wolo si na namber. Hako Judama yanga yangak fehe Jerusalemik masmas li taha misokome Avui Wasilakahik jivik li nakmbaha mbele mbele ujanda nombon li uhu limu hundujera. Uhu Pasova oso si talakuri wolon limu nikishira.

Mashi jivi Jisashi Jon or kayeri 12:12

Ma musha mendek Jerusalemik hiyawu Pasovan li ukmbaha limu tirsara. Urik Jisas orok or takuri mashin li misihi orin li heyekmbaha limu ira. Uhu siyando tavan li tlehe laha irik or tarik orin limu owehe mblara, “Hosana, ka ni rupkapshihi hi Avui Wasilakahin ni hauoweka! Ma or or kamashirik hi orhik tawa ma oton ni hauoweka. Ma oto nir ma Israelik fehenda king nihi ria.” Buk Song 118:25-26

Mashi jivi Jisashi Jon or kayeri 12:20

Hiyawu Pasovan li undari wolo yanga Grikik fehendari ma lal er nga Jerusalemik li lotu ukmbaha limu tara.

Mashi jivi Jisashi Jon or kayeri 12:9

Judama musha Jisas Betanik or lirin li misihi orin heyekmbaha limu ira. Hako orto nom nembes. Lasarus or harik Jisas mbarik usahari oto nga li heyekmbaha limu ira.