Mashi jivi Jisashi Jon or kayeri 10:6 - Nupela Testamen long tokples Mende long Niugini

⁶ Jisas mashi oson sauheimakop or saweri sir. Hako ma mbeek mashi os or mbarin yariri ambu lir.

Mashi jivi Jisashi Jon or kayeri 10:6 Iomraidhean Croise

Matyu 13:34

Jisas mbele mbele os or saweri sauheimakop or saweri lir. Or mbeek ma ondon mashi las kormbak saweri ambu ri, wahau. Men sauheimakop saweri ri.

Matyu 13:51

Karem or mbaha ol orin tiyandari man ormu silira, “Maintontlo os a sawewan am jimu yarindu?” Urik limu mbara, “He, am nimu yarinduwa.”

Mashi jivi Jisashi Mak or kayeri 4:34

Ma ondo sauheimakop or saweri lir. Hako ol orin tiyandari ma ondo or nga li liri wolo mashi os or saweri oso maintontlo sihin kormbak or sawerik misindari lir.

Mashi jivi Jisashi Jon or kayeri 16:25

Uhu mashi las nga Jisas ormu mbara, “Ter wolo mashin jirin sauheimak a sawenda nir. Hako kumak avak mashin kormbak a sawenak misikwa jir. Avui anhi mberem nanda ma ri? Oson kumak avak kormbak a sawenak orin heyekrahakorokwa jir.

Mashi jivi Jisashi Jon or kayeri 16:29

Karem or mbarik limu mbara, “He ter am nimu heyenduwa. Mbeek sauheimak sawewa ambu mir.

Mashi jivi Jisashi Jon or kayeri 6:52

Karem or mbarik mashi oson li misihi lihi ambek mainkwambuk limu mbara, “Mberem ushiwak ma toto maome orhin or hanak ni akmbaha nor mbanduwa?”

Mashi jivi Jisashi Jon or kayeri 6:60

Karem or mbarik ol orin tiyandari ma ondo mashi oson li misihi limu mbahanjira, “Wahau te! Mashi oson ni hishiwa kom te! Sunguwavu nihi osmu kavak nanduwa.”

Mashi jivi Jisashi Jon or kayeri 7:36

Uhu mberemhi mashin or mba, “Anin avak lasafukwa jir. Uhu os a ihi na liwa mishin heyekwa ambu jir.” Mberemhi mashi kas karem or mbandu?” Karem lihi ambek limu mbara.

Mashi jivi Jisashi Jon or kayeri 8:27

Jisas karem or mbarik lir fendele menderi lir, os Avui orhin or mbarin.

Mashi jivi Jisashi Jon or kayeri 8:43

Hako mberem ushiwa mendek mashi kas a sawewa kason ji misikwan ji halandu? Jir mbeek mashi anhin misindahik nanda ambu ojik os jimu hishanduwa.

1 Korin 2:14

Ma ol Masikome Avui Wasilakahi ngashi ambu ondo mashi Avui Wasilakahin ni sawewa wolo, li krehe turamaranda lir. Mberem ushiwak? Lir mbele mbele jivi ol Masikome orhi sawenda ondon li misiwa, oso mbelenda ma mbanda mashi, karem mbanda lir. Hako nir mbele mbele jivi ol Masikome orhi sauhanda nombo orok ni hishiyarihi lerawun ni landa nir.

2 Pita 2:22

Os erem li unda nombon sauheimak li mbanda karem, “Asa os li aha li lewan indik anda lir.” Fle erem, “Fle uku jivik li ujashihi indik jerfalenda lir.” Unda hom ma ondo wavu lihin li tormblehe indik kavakavan unda lir, os mas sungu wavu lihin li tormble namber li uri wolok li undari hom.

1 Jon 5:20

Angop ni heyenda sir, Avui Wasilaka jikisi orhi, Jisas, misambik or taha wapjip hishiyarindan nirin or hashihindak Avui Wasilakan armek nimu heyekrahakoronduwa. Uhu or nga jikisi orhi Jisas Krais nga nakrem nimu linduwa. Krais God indinga ria. Uhu ermba ermbak linda oso tontlo orhik nanda sira.