Mashi jivi Jisashi Jon or kayeri 10:10 - Nupela Testamen long tokples Mende long Niugini

¹⁰ Hirnyanda ma oto men or raha hirnyaha mbele mbelen jila mandingorme lakwak takwa ria. Hako an os a rawa karem, os ermba ermbak linda oson jirin a hakwak a rawa nir. Ushinak jipjip ji likmbahan.

Mashi jivi Jisashi Jon or kayeri 10:10 Iomraidhean Croise

Matyu 18:10

Ji auheyeka, las avak jikisakri tondon ji heyehe ji mba, “Tondo jikisakri kava lir,” karem ji mbanan, wahau. Jirin amu sawenduwa, lir ensel ngashi lir. Ensel lihi hevenik Avui Wasilaka linda mishik er linda lir.”

Matyu 18:11

[Ma Jikisi Avui Wasilakahi misambi torok or tari karem, ma ol nombo jivin halaha apsham inda ma ondon or lasaha indik lakurik tari ria.]

Matyu 21:13

Uhu ormu mbara, “Jekamba Avui Wasilakahik karem li kayeri osa. “Aka anhi oso anin li sawenda mishi sira.” Hako ter os jimu uwak hirnyanda ma lihi aka hom osmu nanduwa.”

Matyu 23:13

Uhu mashi las nga Jisas ormu mbara, “Jir mashi Moseshin sawenda ma nga Farisi nga ji auheyeka, kumak avak kavak nakwa jir. Jir ma ol Avui Wasilakahi yanga orok ikwak hishiwa ma ondohi nombon arangonda jir. Jir orok ji ikwak hishinda ambu jir. Hako ma ol orok li ikwak hishiwa ma ondohi nombon os jimu arangonduwa.

Mashi jivi Jisashi Mak or kayeri 11:17

Uhu ormu mbara, “Jekamba Avui Wasilakahik karem li kayeri osa, “Aka anhi oso anin li sawenda mishi sira. Ma ol yanga yangak fehenda aka orok li raha anin li hishiowehe anin li sawenda mishi sira,” karem li kayeri sir. Hako ter os jimu uwak hirnyanda ma lihi aka hom osmu nanduwa.”

Mashi jivi Jisashi Luk or kayeri 19:10

Ma Jikisi Avui Wasilakahi oto kavakavan unda ma ondon or lasaha lirin jivinakmbaha rari ri.”

Mashi jivi Jisashi Jon or kayeri 10:1

Uhu Jisas mashi las nga ormu mbara, “Omendingak jirin amu sawenduwa, hirnyanda ma ondo os sipsip linda mishi orok li layiwa mbeek akayangak layinda ambu lir. Men inyin tarvlokoho layinda lir.

Mashi jivi Jisashi Jon or kayeri 10:11

Sipsip anhi ondonjik a hishiwa osik a hakwa nir. Uhu antonom sipsip mashama jivi anira.

Mashi jivi Jisashi Jon or kayeri 12:47

Hako an mbeek ma ol mashi anhin misindiyawa ambu ondon a kotim ukmbaha a rari ambu nir. Erem nanda ma ondon a jivinakurik a rari nir.

Mashi jivi Jisashi Jon or kayeri 12:6

Hako or mbeek erndakava ondonjik holori ambu ri. Or hirnyanda ma ri. Or ma ol Jisasin tiyanda ma ondo ya lihin tolondari ma ri. Hako ya ondo mbeek armek or ewendari ambu ri. Ya ondon or laha orhinjik mbele mbele orhi nom landari ri.

Mashi jivi Jisashi Jon or kayeri 3:17

Avui Wasilaka jikisi orhin or mbashirik misambi torok tari ria. Hako or mbeek man kotim ukurik tari ambu ri, wahau. Or kavak li nakurin jivinakurik tari ri.

Mashi jivi Jisashi Jon or kayeri 5:40

Uhu jir mbeek anhik tanda ambu jir. Os ji rawakop ermba ermbak lindan jirin a hawa nir. Hako jir mbeek anhik tanda ambu jir.

Mashi jivi Jisashi Jon or kayeri 6:33

Bret os or handa oso yanga jivin si halaha misambik si takaha ermba ermbak lindan handa sira.”

Mashi jivi Jisashi Jon or kayeri 6:51

An bret os yanga jivin halaha rakahanda bret anira. Os ma lar bret oson or a nahi, or avak ermba ermbak lindan lakwa ria. Bret os orin a hakwa oso maome anhi sira. Maome anhin a hashinak ma misambik fehe avak ermba ermbak lindan lakwa lira.”

Jekamba Pol ol yanga Romik lindanjik or kayeri 2:21

Hako mberem ushiwak ma anandi ondo nom ji ewesawendu? Uhu os lirin ji ewesawenda hom ji ukuwan ji halandu? Uhu os ji mba, “Ji hirnyawa hala.” Karem ji pantleshihi jihinjik os jimu hirnyanduwa.

1 Timoti 1:15

Krais Jisas misambi torok nir kavakavan undari man or jivinakurik tari ri. Mashi kaso omendinga sira. Uwosik ni misihi ni tiyaka. Hako an mas kavakava warje mende nga na undari nir. Kavakava os a undari mbeek ma lar erem undahi ambu ri, wahau.

Hibru 6:17

Avui Wasilaka erema, os hi orhik or ushaha nor mbahanda oso osmu nirin kormbak mukunduwa, or mbeek mashi os or mbahandan or halashihi anandi las mbakwa ambu ri, wahau. Os or mbahanda mainombo hom er unda ri.

Hibru 7:25

Uwosik ma ol hi orhik Avui Wasilakahik tawa ma ondon or jivinakwa lir. Uhu ermba ermbak or lihi ma ol orhik tawanjik beten unda ora.

2 Pita 1:11

Ushinak avak nombon armek or mukushinak ji ihi yanga os ermba ermbak linda orok layikwa jir. Yanga os ni ikwa oso Jisas Krais Wasilaka nihi nirin jivinanda ma yanga orhi sira.