Mashi jivi Jisashi Jon or kayeri 1:9 - Nupela Testamen long tokples Mende long Niugini

⁹ Ukruharanda indinga os nombo Avui Wasilakahik indan mukunda oson laharakwa ma oto am or talakurik pasir si narik masmas mashi orhin sauhambakurik tari ria.

Mashi jivi Jisashi Jon or kayeri 1:9 Iomraidhean Croise

Matyu 6:23

Hako os misokome jihi kavak si na nahi, ma harkawu jihi nga tangnakwa sir. Hako os erem ji naha jihinjik ji hishihi ji mba, “Nir ukruharandak ni yanda nir.” Os erem ji hishi nahi, angop si tangna arangoshiwak men shushu uyanda hom nawa jir.”

Mashi jivi Jisashi Luk or kayeri 11:36

Os ma harkawu jihi amber si ukruhara nahi, kas mbeek tangnakwa ambu sir. Maome jihi avak amber harakwa sir, os lamin li oweshiwak si ukruharanda hom.”

Mashi jivi Jisashi Jon or kayeri 1:4

Os ni li yanda nihi Mashi orokop talari sir. Uhu Mashi oso mu ukruharandan hashiwak nimu liyanduwa.

Mashi jivi Jisashi Jon or kayeri 1:7

Ukruharanda mashi oson sawekurik talari ria. Ushinak ma misambik fehe mashi oson sunguwavu lihik li ewekmbahan.

Mashi jivi Jisashi Jon or kayeri 12:46

An ukruharanda hom misambi torok a tari nir. Ushinak ma ol mashi anhin misindiyawa ma ondo mbeek nirtle nirndum yakwa ambu lir.

Mashi jivi Jisashi Jon or kayeri 14:6

Karem or mbarik ormu mbara, “Antonom nombo os Avui Wasilakahik inda anira. Mashi omendinga tontlo anira. Uhu ermba ermbak linda oson handa anira. Nombo las ngashi ambu sir. Ma lar mbeek nombo anandik or ihi Avui Wasilakan heyekwa ambu ri, wahau.

Mashi jivi Jisashi Jon or kayeri 15:1

Jisas mashi las nga ormu mbara, “Antonom mi wain indinga anira. Uwak Avui anhi noumashama ria.

Mashi jivi Jisashi Jon or kayeri 6:32

Urik Jisas mu mbara, “Omendingak jirin amu sawenduwa, Moses mbeek akwa oson misumu walanga jihin hari ambu ri, wahau. Ma or akwa omendingan handa ma oto Avui anhi ri. Or akwa yanga jivik fehendan jirin handa ria.

Mashi jivi Jisashi Jon or kayeri 7:12

Hako ma musha mendek Jisasin limu mbara, “Ma oto ma jivi ria.” Hako lal limu mbara, “Wahau te! Haimba handambanda ma ria.”

1 Jon 1:8

Os ni mba, “An kavakava nga na nanda ambu nir.” Karem ni mba nahi, wa os nimu mbafirimbanduwa. Uhu nombo worna Avui Wasilakahin ni tiyakwan os nimu halanduwa.

1 Jon 2:8

Hako ter osmu mashi akri hom kormbak talanduwa. Mberem ushiwak? Jisas mashi oson angop or tiyarakori sir. Uwosik jir er nga mashi oson os jimu tiyanduwa. Haranda indingo am si talashiwak nirtle nirndum nanda osmu mendek nakwak nanduwa.

1 Jon 5:20

Angop ni heyenda sir, Avui Wasilaka jikisi orhi, Jisas, misambik or taha wapjip hishiyarindan nirin or hashihindak Avui Wasilakan armek nimu heyekrahakoronduwa. Uhu or nga jikisi orhi Jisas Krais nga nakrem nimu linduwa. Krais God indinga ria. Uhu ermba ermbak linda oso tontlo orhik nanda sira.