Mashi jivi Jisashi Jon or kayeri 1:19 - Nupela Testamen long tokples Mende long Niugini

¹⁹ Judama li mbashirik pris lal nga Livaihi krahak fehenda ma lal nga Jerusalemin li halaha Jonik li raha orin limu silira, “Mir lawe mir?”

Mashi jivi Jisashi Jon or kayeri 1:19 Iomraidhean Croise

Mashi jivi Jisashi Jon or kayeri 1:7

Ukruharanda mashi oson sawekurik talari ria. Ushinak ma misambik fehe mashi oson sunguwavu lihik li ewekmbahan.

Mashi jivi Jisashi Jon or kayeri 10:24

Urik Judama lal li raha orin li rurawuhu limu silira, “Mberem jishi wolo mendek kormbak mi sawenak ni misiku, mir Krais Avui Wasilaka kamashirik hulaima nokopman jivinakwa ma mir mo wahau?”

Mashi jivi Jisashi Jon or kayeri 10:31

Karem or mbarik Judama sunjakomben indiyok li loho orin limu jikmbaha ura.

Mashi jivi Jisashi Jon or kayeri 11:19

Karem uri osik Judama musha mendek li raha Marta fre Maria nga Lasarushi mangrahak limu lira.

Mashi jivi Jisashi Jon or kayeri 2:18

Judama ondo os or urin li heyehe orin limu silira, “Mberem ushiwak mbele mbele ondon mi laha ermbendu? Os Avui Wasilaka lerawu oson mi lajehe or mbashirik mi rakahanda nahi, kolok mbele las ma undahi ambun mbanak si nanak ni heyehe nivai mba, Avui Wasilaka mbashirik tari ma toria.”

Mashi jivi Jisashi Jon or kayeri 2:20

Urik limu mbara, “Isha, tempel aka toso mbeek lewas li uri ambu sir te! Asama sihi li uri 46-pelak nari ol te! Hako mberem niri frijip fri ishinak indik toson mi ukwak mi mbandu?”

Mashi jivi Jisashi Jon or kayeri 5:10

Urik Judama lal ma oton li heyehe limu mbahanjira, “Ter osmu Sabatik nanduwa. Mberem ushiwak kawu mihi oso nga mi laha yanduwa? Os erem mi uwa kava sir. Lo os Moses nirin or hari oson os mimu haploronduwa!”

Mashi jivi Jisashi Jon or kayeri 5:15

Karem or mbarik ma oto or ihi Judama ondon ormu sawera, “Ma or anin mbarik jivik a nari ma oto Jisas oria.”

Mashi jivi Jisashi Jon or kayeri 5:16

Karem mbarik Judama ondo Jisasin limu wapkava hishira. Mberem ushirik? Ma oton Sabatik or mbarik jivik nari ora.

Mashi jivi Jisashi Jon or kayeri 5:18

Karem or mbarik orin li mandingormekurik limu hishira. Mberem ushirik? Or mbeek Sabat wolo oso nom or mblarnari ambu ri, wahau. Avui Wasilaka avui orhi, karem or mbari mashi oso nga li misihi limu mbara, “Ma roto orhinjik Avui Wasilakahi farniyik or nakwak hishiwa tori te!” Karem li hishihi orin li mandingormekurik limu mbara.

Mashi jivi Jisashi Jon or kayeri 6:41

Urik Judama ol orok liri ondo li misirik Jisas ormu mbara, “Antonom yanga jivik tahanda bret anira.” Mashi oson li misihi orin limu mbahanjira,

Mashi jivi Jisashi Jon or kayeri 6:52

Karem or mbarik mashi oson li misihi lihi ambek mainkwambuk limu mbara, “Mberem ushiwak ma toto maome orhin or hanak ni akmbaha nor mbanduwa?”

Mashi jivi Jisashi Jon or kayeri 7:1

Provins Judiak fehenda Judama Jisasin mandingormekurik li mbari osik orok or ikurik hishiri ambu ri. Yanga Galilikop ormu yara.

Mashi jivi Jisashi Jon or kayeri 7:11

Hiyawu oson li uri wolo Judama lida lihi ondo Jisasin li lasaha limu mbara, “Ma oto mbeya?”

Mashi jivi Jisashi Jon or kayeri 7:15

Urik Judama li misihi wavu lihi mushak li hishihi limu mbara, “Ma roto skulik iri ambu ri. Hako katai angop skul unda hom sawenda re!”

Mashi jivi Jisashi Jon or kayeri 8:22

Karem or mbarik Judama ondo limu mbara, “Mberemhi mashin or mbandu, “Jir yanga os a ikwa mishi orok ikwa ambu jir,” kas karem or mbawan? Wa orhinjik or mandingormehe hakwak mbandar?”

Mashi jivi Jisashi Jon or kayeri 8:48

Judama ondo mashi oson li misihi Jisasin limu mbara, “Mir ma kava yanga Samariak fehenda mira. Wasimalengamba oloshiwak mimu mbanduwa.”

Mashi jivi Jisashi Jon or kayeri 8:52

Karem or mbarik limu mbara, “Am nimu heyenduwa. Wasimalengamba olonda mira. Abraham nga profet ondo nga angop maskop hari ol te! Hako mberemhi mashi os ter mi mbanduwa, ma ol mashi mihin misindiyawa mbeek hakwa ambu lir, karem mi mbawan?

Mashi jivi Jisashi Jon or kayeri 8:57

Karem or mbarik limu mbara, “Mir asama mihi mbeek 50-n tikriwa ambu os te! Mberem ushiwak mir angop Abrahamin mi heyenda, karem mi mbandu!”

Aposel 13:25

Jon am or hakuri wolok si narik ormu sawera, “Ji hishiwa an lawe mende nir? An ma or jirin jivinakwa ma ambu nir. Hako ji misi, ma or jirin jivinakwa ma oto avak takwa ri. An ma jivi ambu nir. Unda osik an mbeek kuvu os kumba ari orhi orok nawan a sorngondahi ambu nir. Hako ma or jirin jivinakwa ma oto jivi mende indinga ria,” karem ormu mbara.

Aposel 19:4

Urik Pol mu mbara, “Mas Jon os hulaima nokopman fak or tolofaleri oso men kavakava os li undarin li halaha Avui Wasilakahik li takmbaha nor uri sira. Hako or ma or kumasik takuri ma oton wavu lihik li owehe orin li tiyakmbaha normu sawera. Ma oto Jisas oria.”

1 Jon 1:5

Jisas Krais sawerik ni misihinda mashin os nimu jirin sawenduwa. Mashi oso karem, Avui Wasilaka wavu orhi os or hishinda mbeek nirtle nirndum kas nga nanda ambu sir, wahau. Wavu orhi ermba ermbak krahakop er naha haranda sir.