Hibru 10:5 - Nupela Testamen long tokples Mende long Niugini

⁵ Erem si nari osik Krais os misambi torok or tari wolo Avui Wasilakan karem mbari ri, “Mir mbeek bulmakau nga sipsip nga li jihi ofan li hawan rupshinda ambu mir. Hako angop anin mi kamahanda osik mashi mihin a tiyaha maome anhi toson ofa hom avak indik mirin a hakwa nir.

Hibru 10:5 Iomraidhean Croise

Matyu 11:3

Unak or mbashinak Jisasik li ihi karem li silikmbahan, “Mir ma or hulaima nokopman jivinakmbaha Avui Wasilaka kamahanda ma om? Mo anandi lar ni nikishikwa on?”

Mashi jivi Jisashi Luk or kayeri 1:35

Urik ensel mu sirin sawera, “Avui Wasilaka metenjek fehe Masikome orhi avak nyirik takwa ri. Uhu nyirin jelya arangokwa ri. Ushinak jikisi or nyi wakwa avak jivi worna mendek nakwa ria. Unak avak li ushakwa ri, “Avui Wasilakahi jikisi indingo toria.”

Mashi jivi Jisashi Luk or kayeri 7:19

Urik Jon ma ol orin tiyandari frijip or usharik frimu tara, unak or mbashinak Wasilakahik fri ihi karem fri silikmbahan, “Mir ma or hulaima nokopman jivinakmbaha Avui Wasilaka kamahanda ma om? Mo anandi lar ni nikishikwa on?”

Mashi jivi Jisashi Jon or kayeri 1:14

Mashi oso mak nari sir. Uhu or taha nir ma misambik fehe nihi nindik liri ri. Or jikisi namtar numbu Avui Wasilakahi ria. Kwambu orhi os Avui Wasilaka orin or hari oson angop ni heyeri sir. Avui Wasilaka man or rupshihi wavu orhik or ewenda nga mainome orhi nga Jisashikop hojeri sir.

Galesia 4:4

Hako Avui Wasilaka os or mbahandari wolo mendek si narik jikisi orhin or halashirik misambik tari ri. Ushirik nijava orhi orin si washirik Judama lo lihi siyok or sihi lo ondo amber hom er or tiyarakori lir.

1 Timoti 3:16

Ome sira bilip nihi karem nanda sir, Jisas Krais ma indingak or narik hulaima nokopma li heyeri ri. Or ma worna ma indinga ri. Masikome Avui Wasilakahi mu os or nanda nombo oson or mukushirik limu heyera. Ushirik ensel nga li heyeri ria. Ushirik ma yanga yangak li ihi mashi orhin li saweshirik ma misambik fehe orin sunguwavu lihik limu ewera. Ushirik Avui Wasilaka orin hevenik ormu lalawura.

Hibru 1:6

Uhu jikismaifu orhi oton or mbashirik misambik or tari wolo karem orin ormu mbara, “Halanak ensel ondo amber mihi siyok li sihi mirin li lotu uka.” Buk Song 97:7 Karem or mbaha ensel orhi ondon or mbashirik jikisi orhi otohi siyok li sihi orin lotu uri lir.

Hibru 10:10

Avui Wasilaka or hishihi nor mbari nombo hom Jisas Krais maome orhin orhinjik ofa hom hindi namtas nom hari ri. Ofa os erem or uri nombo orok nir ma misambik fehe Avui Wasilakahi mak ni naha misokome orhik ma worna mak nimu nanduwa.

Hibru 10:7

Uhu ormu mbara, “An mbele mbele ol a ukmbaha mi mbahandarin a ukurik a rari nir, os mas jekamba mihik li kayendari hom.” Buk Song 40:6-8

Hibru 10:8

Ji misi, Krais orhinjik karem or mbari sir, “Mir mbeek bulmakau nga sipsip nga li jihi ofan li undan rupshinda ambu mir. Uhu mir mbeek ofa ol hik li suwunda ondo nga mbele mbele ofa ol kavakava lihin laha ermbekmbaha li unda ofa ondo nga rupshinda ambu mir.” Karem mbari ri. Ome sira, ofa ol li undari ondo Moses mas or mbari nombo hom undari lir. Hako Avui Wasilaka mbeek ondon rupshiri ambu ri.

Hibru 2:14

Jikisi ol or mbari ondo ma misambik fehendan or mbari lir. Lir maome ngashi lir. Erem li nanda osik or lir hom maome nga nari ri. Erem mak or naha hari ri. Os or hari nombo orok Laulaka kwambu orhi os man urik li handari oso osmu mendek nara. Ma misambik fehe hakurin li ajendari osik Laulakahi siyok sindari lir, os mbele mbelen kuvuk li ishitangrindari hom. Uhu ornjik lerawun landari mak nari lir. Hako Jisas or hari oso Laulakahi kwambu oson or jilakorolashihindak ma misambik fehe ol hakurin ajendari ma ondo Laulakahi krawu oson li halaha olmu jip linduwa.

Hibru 5:7

Jisas misambi torok mak or naha nor liri wolo Avui orhin or beten uhu tlaha siliri ria. Ushinak orin li mandingormekurin li halakmbahan. Orhinjik or hafakaha nombo os Avui orhi mbari hom or uri osik mashi os or sawerin misiri ri.

Hibru 8:3

Hetpris misambik fehe ondo lerawu lihi karem, ma misambik fehe kavakava os li undarin laha ermbekurik mbele mbele akwa fle avi ondon li laha Avui Wasilakan ofan undari lir. Erem li undari osik Jisas er nga ofan uri ri. Maome orhin fleya hom kavakava os ni undarinjik ofan uri ri.

1 Pita 2:24

Krais miandok or hari oso kavakava nihin maome orhik or kishaha hari ri. Erem or ushinak kavakava os ni undan ni halaha nombo worna nom ni tiyakmbahan. Orin li jihi mandingormeshihinda nombo orok os jimu jivik nanduwa.

2 Jon 1:7

Ji misika. Haimba handambanda mashin sawenda ma mushak misambi torok li yaha karem haimba handambanda ola, “Jisas Krais misambik or tari wolo nir ma misambik fehe hom maome nga nari ambu ri.” Ol erem mbanda ma ondo mbafirimbanda ma lira, ma ondo wutari Kraishi lira.