Aposel 9:4 - Nupela Testamen long tokples Mende long Niugini

⁴ Urik misambik or takatukuyi waha or misirik mashi las ma lar karem ormu mbara, “Sol, Sol. Mberem ushiwak anin mi kavak nakwak undua?”

Aposel 9:4 Iomraidhean Croise

Matyu 25:40

Urik ormu mbara, “Omendingak jirin amu sawenduwa, mbele mbele ol erndakava anhi ondon ji uri oso anin jimu uri sira.”

Mashi jivi Jisashi Luk or kayeri 10:41

Karem si mbarik Wasilaka mu mbara, “Marta, Marta, nyir mbele mbele ondonjik hishombashiowew te.

Mashi jivi Jisashi Jon or kayeri 18:6

Karem or mbarik ma ondo li lishnyafaha kumayok li haisikmba uhu misambik limu takatukuyira.

Mashi jivi Jisashi Jon or kayeri 20:16

Karem si mbarik ormu mbara, “Maria.” Urik Maria si tormblehe Hibru mashik simu mbara, “Rabonai.” Mashi oso maintontlo sihi “Tisa.”

Mashi jivi Jisashi Jon or kayeri 21:15

Jisas nga ma ol orin tiyandari ondo nga am li arakoshihi Jisas Saimon Pitan ormu silira, “Saimon jikisi Jonhi mirin, ma rondo anin wavu lihik ewenda lir. Hako mir anin wapnuku mende mihik ewenda om?” Karem or silirik ormu mbara, “He, Wasilaka, mir angop mi heyewa sir, an mirin amu rupshinduwa.” Urik ormu mbara, “Mir avak sipsip anhi ondon armek washilihi akwan hanak li aka.”

Aposel 5:10

Urik lewas Pitahi kumbamuk si rakatukuyihi simu hara. Urik hulayi ermbasi ondo li rala heyeri nokove oso angop hari sir. Ushirik maninimba oson li kisha ihi hula sihi li wakor oweri mishi orok er nga limu wakor owera.

Aposel 9:5

Urik Sol mu mbara, “Wasilaka, mir lawe mir?” Urik ormu mbara, “An Jisasin mimu kavak nanduwa.

Jekamba Pol ol yanga Romik lindanjik or kayeri 11:22

Ji hishika, Avui Wasilaka waprupshi ngashi ri. Uhu waplelena ngashi ri. Ma ol Jisasin kumasinda ma ondon waplelenanda ri. Hako ma ol Jisasin wavu lihik ewenda ma ondon waprupshi orhin yelndam lirin handa ri. Uwosik os Jisas nga er ji si nahi, jirin armek or ukwa jir. Hako os orin ji kumasi nahi, avak mi tava indinga or tolkunya ermbenda hom or tolkunya ermbekwa jir.

1 Korin 12:12

Nir Kraisin ni tiyanda ma or nga masamtenjek ni nanda nir. Hako maome nihi os si nanda apshamba apshambak nanda sir. Unda hom Kraisin tiyanda ma nir os ni nanda nanda apshamba apshambak ni naha lerawu os ni landa landa apshamba apshambak ni landa nir.

1 Korin 4:7

Jir lawe mbashihindak majistret hom ji naha man ji oweioweiheyehe ji mbandu? Hishiyarinda nga kwambu nga os jihik nanda oso Avui Wasilaka mu hahanda sira. Unda osik avak hi jihin jihinjik ji hauowewa hala.

Efesus 5:30

Mberem ushiwak? Nir Krais nga masamtenjek ni nanda ona.