Aposel 9:29 - Nupela Testamen long tokples Mende long Niugini

²⁹ Uhu Judama ol mashi Grikhik maimbanda ma ondo nga limu anamainkwambu mbara. Hako lir nombo nombo os orin li jimandingormekurin lasari lir.

Aposel 9:29 Iomraidhean Croise

Aposel 11:20

Hako lihi nindik ma lal Saiprusik fehe nga yanga Sairinik fehe nga yanga Antiokik li ihi mashi Wasilaka Jisashin yanga Grikik fehenda ondon er nga limu sawera.

Aposel 17:17

Urik or ihi Judama lotu undari akak or layihi Judama nga Judama ambu ol Avui Wasilakan lotu undari ondo nga limu anasawembara. Uhu ermba ermbak ma tirsandari mishik or ihi ma ol orok sirin or heyehe lir nga limu anasawera.

Aposel 18:19

Li ihi yanga Efesusik li talaha Pol fririn orok or halaha Judama lotu undari akak or layihi Judama ondo nga limu lihi anasawera.

Aposel 19:8

Urik Pol Judama lotu undari aka orok or layihi niyaka nalmingrip Avui Wasilaka or arangoshinak jip li likuri mashin mainkwambuk ormu sawera.

Aposel 22:18

Urik ormu sawera, “Mir usaha kolomalok Jerusalemin mi halaha ika. Os mashi anhin yanga torok mi sawe nahi, lir mbeek misikwa ambu lir,” karem or mbarik amu mbara,

Aposel 6:1

Oso wolo Jisashi mashin misindiyandari ma ondo musha mendek nari lir. Hako Judama ol Grikhi mashin mbandari ondo Aramhi mashin mbandari Judama ondon olmu ngriara. Li ngriaha olmu mbara, “Jir erndakava ondonjik akwan humasinda jir. Hako jir mbeek nokove nihi ol mumblak wahayanda ondon yawur ji heyehe akwa mbele mbelen nakremba nakrembak humasinda ambu jir.”

Aposel 9:27

Hako Barnabas mu Solin aposel ondohik halakmbaha laha ira. Or laihi mashi os Sol Damaskusik inda nombo orok Wasilakan or heyeri oso nga mashi os Wasilaka orin or saweri oso nga lirin ormu sawera. Uhu yanga Damaskusik Sol mashi Wasilakahin kormbak or sawehe mbeek or ajeri ambu oso nga ormu sawera.

Aposel 9:28

Aposel ondo Sol os Jisasin or hishindiyari oson kormbak limu heyera. Uhu Sol or nga Jerusalemik nakrem li lihi limu yara. Uhu kwambu Jisashik mashin kormbak ormu sawera. Or mbeek man ajeri ambu ri.

2 Korin 11:26

Hindi mushak nombo homek a yandari nir. Uhu fa si rasarik a mburi wolo a uk aha tarmumarmuyandari nir. Ma kava anin li jikurik nandari sir. Judama nga Judama ambu ondo er nga anin li jikurik undari lir. Kolakak a yari wolo nga misamtelmbambak a yari wolo nga fak a yari wolo nga nomorawu laka laka mende anhik lawundari sir. Urik ma ol Jisasin hishindiyanda ma hom arndindari ma ondo anin kavak nakurik undari lir.

Jekamba os Jut kayeri 1:3

Ma jir a rupshi mendenda jirin, na hishiwa Avui Wasilaka os jir nga nir nga or jivinanda nombon jirnjik a kayekmbaha na hishihi lerawu havan a landa nir. Unak nombo oson yawur ji heyekmbahan. Hako ter a misiwa, ma lal angop sios jihik wanyi rari lir. Ma ondo angop Avui Wasilakan kumaifaha karem hishinda lir, “Mbele mbele amber ol wavu nihik tasawa hom ni uwan te. Mberem ushiwak? Avui Wasilaka waprupshi orhi os nir nga nandu. Mbernda nirin kavak naman nakwa ambu ri.” Karem li hishihi kavakavan li uhu yanda lir. Erem li uhu nirin arangonda ma Wasilaka nihi Jisas Kraisin li kumasinda ri. Erem nanda ma ondo Avui Wasilaka kavak or nakmbaha angop maskop or mbahandari lir. Unda osik mashi kaso yejen jirnjik amu kayenduwa. Ushinak Avui Wasilakan ji hishiowenda nombo jihi oson kwambuk er ji toltambanaha ji sika. Uhu orin ji hishiowenda nombo jihi oson ma anandin ji saweka. Uhu wutari Jisas Kraishi ol haimba handambanda mashin sawenda ma ondon ji mblarna ermbehe ji sika.

Jekamba os Jut kayeri 1:9

Ensel or maifuk sinda Maikel oto os Moseshi maninimban or lakurik Laulaka nga fri anamainkwambu mbari wolo Maikel mbeek mashi kavakavan Laulakan mbari ambu ri, wahau. Or men karem mbari ora, “Wasilaka nom avak mirin mainkwambuk mbakwa ri,” karem mbari ora.