Aposel 7:35 - Nupela Testamen long tokples Mende long Niugini

³⁵ Mas wolok Israelik fehenda ma ondo Mosesin li turaha karem mbari lir, “Lawe mirin malakamak mbashiwak nirin mi heyembakwak mi undu?” karem mbari lir. Hako Moses oto Avui Wasilaka mbashirik or ihi lida lihik or naha lirin jelyakurik nari ri, os or sihi nor misirik mi kanda las hi ukruri nindik Avui Wasilaka sauharik ensel or saweri hom.

Aposel 7:35 Iomraidhean Croise

Mashi jivi Jisashi Mak or kayeri 12:26

Hako os ma hahanda indiyok li usahakwa ambu, karem ji hishi nahi, wa anin ji sawenak a misi, mashi las Avui Wasilakahi jekambak mberem li kayer? Karem li kayeri osa, “Avui Wasilaka orhinjik ormu mbara, “An God Abrahamhi, Aisakhi, Jekophi, lihi God anira,” karem Wasilaka mu mbara.”

Mashi jivi Jisashi Luk or kayeri 19:14

Hako ma ol kotontlo orhik fehe orin li wapkava hishihi ma lal li mbashirik yanga os or iri mishik limu ira. Uhu karem limu sawera, “Nir ma toto malakama nihik or nakwan ni turaw,” karem limu mbara.

Mashi jivi Jisashi Jon or kayeri 18:40

Urik li ushaha limu mbara, “Or nembes, Barabasin halashinak or tala ika,” karem limu ushambara. Barabas oto hirnyandari ma lar oria.

Mashi jivi Jisashi Jon or kayeri 19:15

Urik limu mbara, “Laha ihi orin miandok tirika!” Urik ormu mbara, “Mberem ji hishindu miandok a tirikwa or? King jihi or te!” Urik bikpris ondo olmu mbara, “King nihi namtar numbu Sisar oria. Nir mbeek king anandi lar ngashi ambu nir, wahau.”

Aposel 2:36

Erem nawa osik, Israelik fehenda ma jirin, jir amber karem krahak ji hishika. Avui Wasilaka Jisas or miandok ji tirihi ji mandingormeri oto angop or kamashihindak Wasilaka nihik or naha Kraisik nawa ri.”

Aposel 3:22

Mas Moses karem or mbari osa, “Avui Wasilaka jihi or mbashinak ma lar jihi nindik avak an hom profetik nakwa ria. Unak jir mashi ol or mbawan amber ji tiyaka.” Lo 18:15

Aposel 5:31

Uhu angop or lalawushihindak ormu tapmama orhiyok linduwa. Uhu malakamak or naha nirin jivinakwa mak ormu nanduwa. Uhu nir Israelik fehendan or jelyashinak sunguwavun ni tormblenak kavakava nihi avak or yoko ermbekmbahan.

Aposel 7:30

Asama 40 am si irik ensel lar mu Moseshik talara, misamtelmbamba os pasir telemba Sainai nandari mishi orok ensel oto mi kanda las hi ukruri nindik ormu talasira.

Aposel 7:51

Hako, jir mamblasamblan jinda jir. Sunguwavu jihi sunjakombe hom nanda jir. Jir Judama ambu ondo hom ji naha mbeek mashi Avui Wasilakahin misinda ambu jir. Uhu ermba ermbak Masikome orhin mblarnanda jir, os mas misumu walanga jihi undari hom.

Kolosi 1:15

Avui Wasilaka jikisi orhi oto Avui orhi nanda hom nanda ri. Nir Avui orhi oton ni heyenda ambu ri. Hako Krais Avui orhin or heimaha nirin mukuri ri. Avui Wasilaka mbele mbelen or u namber jikisi orhi oto angop mas nari ri. Or nashirik kuma Avui Wasilaka mbele mbelen ormu ura. Uhunda osik mbele mbele amber jikisi orhi siyok olmu sinduwa.

Hibru 2:2

Ji hishika, mas wolo ensel ondo mashi Avui Wasilakahin neloko misumu walanga nihi ondon li sawerik li misiri sir. Hako ma ol mashi oson mblarna ermbehe kumaifari ma ondo kavak er narakori lir.

Revelesen 15:3

Uhu hukwa las Moses Avui Wasilakahi lerawun landari ma or korondari hukwa nga Sipsip Jikisi otohi hukwa las nga limu korora karem, “Avui Wasilaka mirtonom kwambu ngashi mira. Uhu mbele mbele ol wavu mihik mi hishihi mi unda ondo amber jivik li naha worna mendek omendingak nanda lira. Mir malakamak ermba ermbak er nanda mira.