Aposel 28:16 - Nupela Testamen long tokples Mende long Niugini

¹⁶ Yanga Romik ni layirik kepten Polin or halashirik aka lasik ormu lira. Urik awun undari ma lar er nga nor lihi Polin ormu washilira.

Aposel 28:16 Iomraidhean Croise

Aposel 18:2

Korinik or ihi Judama lar ormu heyera. Hi orhi Akwila, yanga Pontusik fehendari ria. Oro wolok malakama Sisar Klaudius mainkwambu las or owehe ormu mbara, “Judama amber jir kolok yanga Romin ji halaha lasik ji ika.” Uri osik Akwila nga nokove orhi Prisila nga Romin fri halaha Korinik frimu tara. Urik Pol or ihi fririn ormu heyera.

Aposel 19:21

Ushirik Masikome Avui Wasilakahi Polin or saweshirik Pol yanga ol or ikuri mishin ormu mbara, “Avak provins Masedoniak a ihi hovok provins Akaiak a ihikop kumasik Jerusalemik a ikwa nir. Uhu yanga kandon mas a heyerakondanakop a ihi yanga Romin a heyekwa nir. Masikome Avui Wasilakahi karem anin sawewa ri.”

Aposel 2:10

Frigia, Pamfilia nga, hovok Ijip nga Libia, os pasir Sairini nga nanda orok linda Judama nira. Hako nir lal Romik fehenda torok ni ta liwa nir.

Aposel 23:11

Urik niri oro wolok Wasilaka Pol liri mishik or sihi normu sawera, “Mir ajewa hala. Kwambuk mi sihi os Jerusalemik mi sawenda hom mashi anhin erem Romik sawekwa mir.”

Aposel 24:23

Uhu Feliks kepten lar or mbashirik Polin krawuk ormu owera. Hako orhi ma os li taha orin li jelyakuri nombo oso mbeek or pantleri ambu sir.

Aposel 27:3

Ni i wahandaha nimu yanga Saidonik talara. Julius Polin armek or uhu or halashirik or ihi ma orhin or heyerik akwan li harik ormu ara.

Aposel 27:31

Hako Pol kepten nga awun undari ma ondo nga ormu sawera, “Os ma tondo masmas sip toson li halaha li tulu i nahi, nir amber avak hakwa nir.”

Aposel 27:43

Hako kepten oto Polin or jivinakurik or hishihi nor pantleshirik mbeek li mandingormeri ambu lir. Uhu normu mbara, “Am ji faheyenda nahi, wa kolok ji kweinaha ji faheye ihi ji lawu toloka.

Revelesen 17:18

Nokove os mi heyewa oso kolaka os misambi toson sifasahandan heimawa sira.”

Revelesen 17:9

Ma ol hishiyarinda nga nawa ondo avak li heyehe li yarikwa sir. Kala asa masiji 7-pela orhi ondo telemba 7-pela ondon heimanda lir. Nokove oso telemba orok linda sir. Uhu masiji orhi ondo er nga malakama 7-pela ondon heimanda lira.