Aposel 26:10 - Nupela Testamen long tokples Mende long Niugini

¹⁰ Uri osik orin hishindiyandari ma ondon a toloho Jerusalemik krawuk a owendari nir. Uhu bikpris mbari nombon a tiyaha os li mbari hom ma ol Jisasin hishindiyandari ondon a toloho krawuk a owendari nir. Uhu Judama malakama lirin li mandingormekurik li mbari wolo an nga erem a sifale mbandari nir.

Aposel 26:10 Iomraidhean Croise

Aposel 7:58

Orin li toloho yanga hikriyok limu tololongo lalayira. Uhu sunjakomben li loho orin li jimandingormekmbaha limu ormbera. Ma ol Judama lida lihi li tirsandari mishik orin haimba handambari ma ondo kousamba lihin li tloloho lai jikanda ermbasi lar siri mishik limu owera. Hi orhi Sol oria.

Aposel 8:1

Sol Stivenin li mandingormekurin rupshiri ri. Stiven or hashirik Judama ol Avui Wasilakahi mashin yawur tiyandari ondo ornjik li owetlaha orin limu wakor owera. Os Stivenin li mandingormeri wolo, Jisasin hishindiyandari ma ol Jerusalemik lindari ondo er nga kavak li nakurik limu ura. Sol oto aka akak or layihi Jisasin hishindiyandari ma ondon or jihi or tolo longo laihi krawuk or oweshirik limu lira. Hako lal os erem or urin li heyehe li tulu ihi lal provins Judiak li irik lal provins Samariak limu ira. Hako aposel ondo nom Jerusalemik er liri lira.

Aposel 9:21

Urik ma amber Solhi mashin li misihi limu lishnyafara. Uhu limu mbara, “Ma roto Jerusalem orok ma ol Jisasin hishiowehe lotu unda ma ondon kavak nandari ma toria. Uhu ter torok or taha ma ol Jisasin hishindiyanda ma ondon or toloho bikprisik or laha ihi krawuk or owekmba tawa ri, karem ni hishiwa re.”

Aposel 9:26

Undarik Sol indiyok Jerusalemik ormu ira. Uhu ma ol Jisasin hishindiyandari ma ondo nga nakrem li tirsakmba ormu ura. Hako wahau. Lir os Jisasin or hishindiyari oson angop misiri lir, hako mbeek mashi oso ome, karem hishiri ambu lir. Uri osik limu ajera.

Aposel 9:32

Pita Avui Wasilakahi ma ondon or heyekmbaha yanga yangak ormu ira. Uhu yanga las Lida, karem li ushandari mishik ormu ira.

Aposel 9:41

Urik Pita tava sihin or tolorik simu usasira. Urik Pita Avui Wasilakahi ma ondo nga nokove mumbla nga nor usharik li tarik normu mukura, “Tabita tos usa lindu,” karem ormu mbara.

1 Korin 15:9

An Avui Wasilakahi siosin kavak a nandari nir. Uri osik an men aposel ondohi siyok sinda hom a nari nir, mbeek anin aposelik li ushandahik a nari ambu nir.

Galesia 1:13

Angop ji misiri sir, os mas a nandarin. An Judama lar anira. Uhu Judama nga na lotu uhu lo lihi amber armek a tiyarakondari nir. Lerawu os orok a lari anhi kuvu ondon a tikrindari nir. Oro wolok Jisashi mak a nari ambu osik orhi man kavakavak a undari nir. Sios orhin kavak a nakmbaha a undari nir.

Efesus 1:1

An Pol, aposel Krais Jisashi anira. Avui Wasilaka an aposelik a nakmba or hishihi orhinjik anin aposelik kamari ri. An jekamba kason Avui Wasilakahi ma jir Efesusik lihi wavu jihi mende nga Krais Jisasin tiyanda jirnjik amu kayenduwa.

Revelesen 17:6

Na heyeri, ambarambasindari hom nari sir. Avui Wasilakahi man si mandingormehe fi lihin si aha ambarambasiri sir, os uku kavan li aha li ambarambasindari hom. Ma ondo Jisasin tiyandari ma lira. Hako lir mbeek orin halari ambu lir. Uri osik ol simu mandingormera. Sirin a heyehe wavu mushak amu hishira.