Aposel 25:16 - Nupela Testamen long tokples Mende long Niugini

¹⁶ Hako mashi os li mbarin a misihi amu lirin sawera. Nir Romik fehenda ma mbeek men ma lar semben ni mbanak hakwa ambu ri. Wa, yawur kotik ni oweshinak mashi frihin fri mbanak evrembam ni heyehen. Uhu ma or musa nga nawa ma oton ni mbanak orvai haka.

Aposel 25:16 Iomraidhean Croise

Mashi jivi Jisashi Luk or kayeri 12:11

Os jirin li tolo longo laha ihi li lotu unda mishik mo, gavmanhi lerawun landa ma ondohik mo, ma ol hi nga nanda mahik li tolo laha ihi owehe li silinak avak ji mba, “Mberem ni sawenak li halashinak ni ika?” Karem ji hishinan. Uhu wavu musha mushak ji hishiwa hala.

Mashi jivi Jisashi Jon or kayeri 7:51

“Wa lo nihi mberem si mbandu? Ma lar semben ni mbaha krawuk ni ewekmbaha mbanda os? Wahau. Masmas armek ni misihi ni eweheyehe nivai mbaka, lo karem mbanda osa.”

Aposel 23:30

Hako ter a misiwa ma lal angop mayam orin li mandingormekwak li mbaolsolowa lir. Ushiwak kolomalok or amu halashiwak mihik induwa. Uhu ma ol orin kotim uwa ma ondo nga angop a sawewa osik avak mihik li ihi maintontlo os orin li kotim uwa oson li sawenak mivai misika,” karem ormu kayera.

Aposel 23:35

Urik Feliks mu mbara, “Halanak mirin kotim uwa ma ondo li rahakop yawur mashi mihin a misikwa nir,” karem or mbaha nor mbashirik Polin li laha krawu os Herothi aka lakak nandari orok li oweshirik ormu lira.

Aposel 26:1

Urik king Agripa mu Polin mbara, “Mir kolok mashi mihin saweka.” Karem or mbarik Pol tavan or lafawuhu ormu sawera,