Aposel 24:27 - Nupela Testamen long tokples Mende long Niugini

²⁷ Feliks Judama malakama lihi ondo li rupshikmbaha Polin krawuk or oweshirik asama frijip ormu sira. Ushinaha Porsius Festus Felikshi farniyik ormu sira.

Aposel 24:27 Iomraidhean Croise

Mashi jivi Jisashi Mak or kayeri 15:15

Karem li mbarik Pailat or ajehe lirin or hokovikmbaha Barabasin or halashirik ormu ira. Ushihi awun undari ma orhi ondon or mbashirik Jisasin li wakoroho miandok li tirikmbaha limu ira.

Aposel 12:3

Herot or heyeri os erem or uri oso Judama lida lihi limu rupshira. Uri osik Pita er nga nor mandingormeshinak or hakmbaha normu hishira. Oso wolo Judama hiyawu Bret Yis Ngashi Ambun li andari wolo sira. Uhu Pitan or mbashirik li toloho krawuk limu owera.

Aposel 23:35

Urik Feliks mu mbara, “Halanak mirin kotim uwa ma ondo li rahakop yawur mashi mihin a misikwa nir,” karem or mbaha nor mbashirik Polin li laha krawu os Herothi aka lakak nandari orok li oweshirik ormu lira.

Aposel 25:1

Festus Felikshi farniyik or sihi niri nalmingrip am li ishirik yanga Sisarian or halaha Jerusalemik ormu lawura.

Aposel 25:14

Niri mushak Sisariak liri vri. Urik Festus Polhi mashin king Agripan ormu sawera, “Mas Feliks krawuk or owendari ma lar, hi orhi Pol ter ormu krawu torok linduwa.

Aposel 25:4

Hako Festus mashi os li mbarin or misihi ormu sawera, “Pol or Sisariak krawuk sindu. An kandakar nga torok a lihikop anhinjik Sisariak a ikwa nir.

Aposel 25:9

Hako Festus Judama ondo li rupshikmbaha Polin ormu silira, “Mir Jerusalemik mi inak kot mihin orok a misikmba mimu hishindu?”

Aposel 26:32

Agripa Festusin ormu mbara, “Pol oto karem mbari ria, “Malakama Sisar vai kot anhin misi.” Os karem or mbahanda ambukop nimu halashiwak ormu jip iwa,” karem ormu mbara.

Aposel 28:30

Asama frijip Pol aka lasik ormu lira. Orok or liri wolo yan aka mashaman handari ora. Unak or halashinak aka orok or likmbahan. Uhu ma ol orin heyekmbaha rarin ormu rupshira.

Galesia 1:10

Kas karem a mbawa mashi, jirin a hokovi laharakmbaha na mba, karem jimu hishindu? Wahau, an Avui Wasilaka nom anin or rupshikmbaha na hishinda nir. Wa mberem ji hishindu, ma misambik fehe li rupkapshikwa mashin a sawenda, karem jimu hishindu? Wahau. Os ma misambik fehe anin li rupshikmbaha na hishi nahi, an mbeek Kraishi lerawun landa ma indingo ambu nir.