Aposel 22:8 - Nupela Testamen long tokples Mende long Niugini

⁸ Karem mbarik amu mbara, “Wasilaka, mir lawe mir?” Urik ormu mbara, “An Jisas Nasaretik fehenda nira. Anin mimu kavak nanduwa,” karem ormu mbara.

Aposel 22:8 Iomraidhean Croise

Matyu 2:23

Galilik li ihi kuyanga ome Nasaretik limu lira. Erem si nari osik mashi os profet ondo mas karem li mbahandari osmu omek nara, “Ma oto kuyanga Nasaretik fehe, karem li ushahakwa ria.”

Matyu 25:40

Urik ormu mbara, “Omendingak jirin amu sawenduwa, mbele mbele ol erndakava anhi ondon ji uri oso anin jimu uri sira.”

Matyu 25:45

Urik ormu mbara, “Omendingak jirin amu sawenduwa, mbele mbele ol erndakava anhi ondon ji ukurin ji halari anin ji ukurin jimu halari sira.”

Aposel 10:14

Urik Pita mu mbara, “Wasilaka, wahau te. An mbeek mbele mbele ol misokome mihik mi heyewa jivik nanda ambu, karem mi pantlenda ondo kal a ahaheyenda ambu osik a akwa ambu nir.”

Aposel 22:7

Urik misambik a rakatukuyihi na waha misirik mashi las ma lar karem ormu mbara, “Sol, Sol. Mberem ushiwak anin mi kavak nakwak undua?”

Aposel 26:9

An mas ermbak Jisas Nasaretik fehe hi orhin a unak misambik si rakakmbaha a undari nira.

Aposel 3:6

Hako Pita ormu mbara, “An ya ngashi ambu nir. Hako mbele las anhik nawan mirin a hakwa karem, kwambu Jisas Krais Nasaretik fehendahik amu mbanduwa. Mir usaha ese ika.”

Aposel 4:10

Os erem si na nahi, jir nga Israelik fehenda ma ondo nga amber ji heyeka. Kwambu Jisas Krais Nasaretik fehendahik kumba nashindari ma roto jivik nari ria. Uhu ter ormu jihi misokomek sinduwa. Hako jir mu Jisas oton miandok owe tirishirik ormu hara. Hako Avui Wasilaka or mbarik angop indiyok usahari ria.

Aposel 6:14

Ni misiwa karem mbanda ri. “Jisas Nasaretik fehenda oto avak tempel aka toson or jila tarvlalaha anandin ukwa ri. Uhu mbele mbele ol Moses ni ukmbaha or mbahandari ondon avak or halaha nombo anandin ewekwa ri,” karem mbanda ria.”

1 Korin 12:12

Nir Kraisin ni tiyanda ma or nga masamtenjek ni nanda nir. Hako maome nihi os si nanda apshamba apshambak nanda sir. Unda hom Kraisin tiyanda ma nir os ni nanda nanda apshamba apshambak ni naha lerawu os ni landa landa apshamba apshambak ni landa nir.