Aposel 20:29 - Nupela Testamen long tokples Mende long Niugini

²⁹ Angop a heyewa sir. Os jirin a halaha iwa wolo haimba handambanda ma li taha avak kala asa sipsipin li kavak nanda hom jirin kavak nakwa lir.

Aposel 20:29 Iomraidhean Croise

Matyu 10:16

Uhu mashi las nga ormu mbara, “Ji misi, avak an mbashinak wutari nindik ikwa jir, os sipsip kala asa nindik li inda hom. Unak jirin kavak li nakmbaha ukwa lir. Karem uwosik mbele mbele os ji ukmbaha ji hishiwan yawur ji hishiyarika. Uhu mbele mbele jivi nom ji uka.

Matyu 7:15

“Haimba handambanda mashin sawenda ma ondon ji auheyeka. Ondo kala asa indinga lir. Hako sipsip hom li otlehe jirin kavak nakwak rakwa lir.

Mashi jivi Jisashi Luk or kayeri 10:3

Ji misi. Avak an mbashinak wutari nindik ikwa jir, os sipsip jikisi kala asa nindik li inda hom.

Mashi jivi Jisashi Luk or kayeri 12:32

Jir sipsip kanda anhi jirin, ji ajewa hala. Mberem ushiwak? Avui Wasilaka jirin or rupshihi kwambu orhik jirin or arangoshinak orhi siyok sikwa oja.

Mashi jivi Jisashi Jon or kayeri 10:12

Hako ma or sipsipin washilihi ya nowen landa oto mbeek sipsip ondonjik hakwa ambu ri, wahau. Mberem ushiwak? Or sipsipin washilinda ma indingo ambu ri. Or mashama ambu ri. Or mbeek sipsip ondonjik holonda ambu ri. Karem uwosik kala asa sipsipin li shiakmbaha li rawa wolo ma oto sipsip ondon or halaha tulu ikwa ora. Ushinak sipsip ondo nimbli namble li tulu inak kala asa shiakwa ola.

Mashi jivi Jisashi Jon or kayeri 21:15

Jisas nga ma ol orin tiyandari ondo nga am li arakoshihi Jisas Saimon Pitan ormu silira, “Saimon jikisi Jonhi mirin, ma rondo anin wavu lihik ewenda lir. Hako mir anin wapnuku mende mihik ewenda om?” Karem or silirik ormu mbara, “He, Wasilaka, mir angop mi heyewa sir, an mirin amu rupshinduwa.” Urik ormu mbara, “Mir avak sipsip anhi ondon armek washilihi akwan hanak li aka.”

Aposel 20:28

Jir jihinjik ji auheyehe ma ol sios Avui Wasilakahik sindan armek ji washilika. Ma ondo angop Avui Wasilaka jikisi orhi fik or frungawuri lira. Uri osik Masikome Avui Wasilakahi lirin ji washilikmbaha jirin ormu kamara.

1 Pita 5:2

Avui Wasilaka hulaima nokopman sipsip hom tava jihik ol ormu halanduwa. Ushinak armek lirin ji washilihi mashi orhin ji sawenak li misikmbahan. Hako lerawu os ji lakmbaha Avui Wasilaka jirin or hahandan ji rupshihi ji laka. Las avak lerawu oson ma li ukmisihi mbawak ji ufuhu ji landa ngashi. Uhu las avak lerawu oson men yan ji lakwak ji hishihi ji landa ngashi. Hako jir lerawu oso men ji rupshihi armek ji laka.

2 Pita 2:1

Mas haimba handambanda profet lal yanga Israelik lindari lir. Unda hom ter erem. Haimba handambanda tisa avak jihi nindik li talaha jirin haimba handambaha tolmbangokwa lir. Uhu karem mbafirimbakwa lir. Wasilaka nihi Jisas mbeek hulaima nokopman jivinakmbaha fleya hom or naha miandok hari ambu ri, karem jirin haimba handambakwa lir. Ma ol jirin karem haimba handambanda ma ondo Avui Wasilaka or unak lewas kavak nakwa lir.

Jekamba os Jut kayeri 1:18

Karem li sawerik ji misiri osa, “Kumak mbele mbele amber mendek si nakuna ambek si nanak ma ol mashi kavakavan mbaha okolenda ma Avui Wasilakan li kumaifaha li wapkava hishihi mbele mbele kava li ukmba li hishindan li uhu yakwa lir,” karem li sawerik ji misiri osa.