Aposel 2:37 - Nupela Testamen long tokples Mende long Niugini

³⁷ Pita mashi oson erem or sawerik li misihi wavu lihi si jirik Pita nga aposel anandi ondo nga limu silira, “Hai, mahasanje nihi jirin, wa mberem nivai uku?” Karem li silirik,

Aposel 2:37 Iomraidhean Croise

Mashi jivi Jisashi Luk or kayeri 3:10

Karem or mbarik ma ondo orin limu silira, “Wa, mberem nivai uku?”

Mashi jivi Jisashi Luk or kayeri 3:12

Urik ma ol takis yan landari ma ondo er nga fak li layikurik li taha orin limu silira, “Tisa, mberem nivai uku?”

Mashi jivi Jisashi Luk or kayeri 3:14

Karem or mbarik awun undari ma er nga orin limu silira, “Mberem nivai uku?” Urik ormu sawera, “Jir avak man awu awuk mbaha ya lihin lawa hala. Uhu avak man semben kotim uwa hala. Hako fotnait os ji lawa oso nom ji heyehe ji mba, ambehoma, karem ji mbaka.”

Mashi jivi Jisashi Jon or kayeri 8:9

Urik ma amber mashi oson li misihi avok avoko masmas namtarmba namtarmbak li longlongo rala irik jikanda er nga kumasihi irakori lir. Ma ondo amber li irakoshirik Jisas nga nokove oso nom nga orok frimu sira.

Aposel 1:16

“Mahasanje anhi jirin, mas Masikome Avui Wasilakahi or sauharik mbele os Judashik nakurin Devit or mbahandari mashi oso osmu jekamba Avui Wasilakahik nanduwa, Judas oto nombon or mukushirik Jisasin li tolohondari ma ria. Devit mbari mashi oso osmu omendingak erem nari sira.

Aposel 22:10

Urik amu mbara, “Wasilaka, mberem avai ukundana?” Urik ormu anin sawera, “Wa, mi usa ihi yanga Damaskusik layika. Yanga orok ma lar or taha lerawu os mirnjik a kamahanda oson avak mirin sawekwa ri.”

Aposel 5:33

Urik lida ondo mashi Pitahin li misihi wavu lihi indik er lelenari sira. Uhu aposel ondon li mandingormekmbaha limu mbara.

Aposel 7:54

Judama lida lihi ondo mashi os Stiven saweri oson li misihi er li waplelenaha fu nga limu tantlemantlembura.

Jekamba Pol ol yanga Romik lindanjik or kayeri 7:9

Os lon a heyekrahakorori namber jipjip amu linduwa, karem a hishindari nir. Hako am lon a heyekrahakoroho os amu hishinduwa, kavakava ol a unda anhi ondo li unak kumak avak a hakwa nir.