Aposel 2:22 - Nupela Testamen long tokples Mende long Niugini

²² Hai, yanga Israelik fehenda ma jirin, ji mambla arngalaha mashi anhin ji misi. An jirin Jisas Nasaretik fehendahi mashin a sawekwa nira. Avui Wasilaka lerawu wasilaka kwambu ngashi nga mbele mbele apsham apshamhi nga ma undahi ambu nga tava Jisashik jihi nindik or larin angop ji heyeri sir. Avui Wasilaka erem or ushinak ji heyehe ji mba, “Omendinga sira, Avui Wasilaka mbashiwak tawa ma toria,” karem ji hishikmbahan.

Aposel 2:22 Iomraidhean Croise

Matyu 12:28

Hako an mbeek Belsebulhi kwambuk lerawun a lawa ambu nir, wahau. An Avui Wasilaka kwambu orhik lerawun amu landuwa. Erem si nawa osik ji heye ji yarika, Avui Wasilaka hulaima nokopma orhin or arangoshinak jip li likwa oso angop jihik talawa sir.

Matyu 2:23

Galilik li ihi kuyanga ome Nasaretik limu lira. Erem si nari osik mashi os profet ondo mas karem li mbahandari osmu omek nara, “Ma oto kuyanga Nasaretik fehe, karem li ushahakwa ria.”

Matyu 9:8

Urik ma ol orok liri ondo oson li heyehe li ajehe limu mbara, “Ayo, mberemhi tos ter nanduwa! Avui Wasilaka kwambu orhin ma misambik fehendan or handuwa!” Karem li mbaha hi Avui Wasilakahin limu hausimbausira.

Mashi jivi Jisashi Luk or kayeri 11:20

Hako an mbeek Belsebulhi kwambuk lerawun a lawa ambu nir, wahau. An Avui Wasilaka kwambu orhik lerawun amu landuwa. Erem si nawa osik ji heye ji yarika, Avui Wasilaka hulaima nokopman or arangoshinak li likwa oso angop jihik talawa sir.

Mashi jivi Jisashi Luk or kayeri 18:37

Urik limu sawera, “Jisas Nasaretik fehenda ormu randuwa.”

Mashi jivi Jisashi Luk or kayeri 24:18

Hako frihi lar Kliopas ormu mbara, “Ayo, mir mbele mbele tos ter Jerusalemik talawan heyewa ambu om?”

Mashi jivi Jisashi Jon or kayeri 1:45

Urik Filip or ihi ma lar, hi orhi Nataniel, oton or heyehe ormu mbara, “Nir ma or mas Moses nga profet ondo nga li mbahandari ma oton ni heyewa nir. Hi orhi Jisas oria. Kuyanga Nasaretik fehenda ria, Josephi jikisi ria.”

Mashi jivi Jisashi Jon or kayeri 10:37

Os lerawu orhin a lana ambu nahi, wa mashi anhin ji misiwan ji hala.

Mashi jivi Jisashi Jon or kayeri 11:47

Ushirik bikpris nga Farisi nga mashi oson li misihi Judama lida lihin li usharik ma amber li talandirsaha limu mbara, “Wa, avak mberem ni uku? Ma roto mbele las ma undahi ambu musha mendek or unda re!

Mashi jivi Jisashi Jon or kayeri 12:17

Ma ol Jisas Lasarusin or mbarik or usaharik heyeri ma ondo mashi oson li haisau handasawe irik,

Mashi jivi Jisashi Jon or kayeri 15:24

Mbele mbele ma undahi ambu ondon a mukurik angop heitakori lir. Hako mbeek mashi anhin misindiyari ambu lir. Os li heyeri ambukop lir mbeek kavakava nga nari ambu lir. Hako angop a urik li heyeri sir. Karem uri osik an nga Avui anhi nga shirin olmu wutarik ewenduwa.

Mashi jivi Jisashi Jon or kayeri 19:19

Urik Pailat jekamba las or kayehe ma lar or mbashirik or ihi Jisashi masik nuku yok jekamba oson ormu ewera. Mashi oso karem or kayeri sir. “Jisas yanga Nasaretik fehe king Judamahi toria.”

Mashi jivi Jisashi Jon or kayeri 3:2

Nirik or taha ormu sawera, “Tisa, nir angop ni heyenda sir, os Avui Wasilaka ma lar nga or lina ambu nahi, ma oto mbeek mbele mbele ma undahi ambu lal ukwa ambu ri. Hako nir angop ni heyenda mir, mbele mbele ma undahi ambu ondon unda mira. Karem uwosik nimu mbanduwa, mir tisa Avui Wasilaka mbashirik tari mira.”

Mashi jivi Jisashi Jon or kayeri 4:48

Karem or mbarik ormu mbara, “Os mbele las ma undahi ambun a una ambu nahi, mbeek anin hishiowekwa ambu jir.”

Mashi jivi Jisashi Jon or kayeri 5:36

Mbele mbele ol Jon anin or mbari omendinga lira. Hako oso nom ji hishiwa hala. Lerawu os Avui anhi anin or hashihindak a lawa oso nga ji heyehe ji hishika, an Avui anhi mbashirik a rari nira.

Mashi jivi Jisashi Jon or kayeri 6:14

Ma ondo Jisas ma undahi ambu oson or urik, li heyehe limu mbara, “Omendinga sira. Ma toto profet oria. Ma or ni nikishinda ma toria.”

Mashi jivi Jisashi Jon or kayeri 6:27

Jir akwa tos misambik fehe kavak nandanjik ji hishihi ji yawa hala, wahau. Hako os ermba ermbak linda oson ji lakundanjik ji hishihi ji yaka. Avui Wasilaka jikisi orhi oto nom oson jirin hakwa ri. Lerawu oson or lakmbaha Avui Wasilaka orin or mbashirik rari ri.”

Mashi jivi Jisashi Jon or kayeri 7:31

Hako ma musha mashi orhin li misihi limu mbara, “Ma toto mbele las ma undahi ambu mushak or uwak nimu heyenduwa. Avui Wasilaka kamahanda ma oto mbele mbele ma undahi ambun warje nga nor uhu ma roton tikrikundar?” Karem limu mbara.

Mashi jivi Jisashi Jon or kayeri 9:33

Os Avui Wasilaka ma oto nga nor nawa ambukop or mbeek misokome anhin or uwak jivik nawa ambu vri.”

Aposel 13:16

Urik Pol or usasihi mayam li linak mashin or sawekmbaha normu tavalounara, “Jir Israelik fehenda ma nga jir Judama ambu ol Avui Wasilakan lotu unda jir nga, ji misi.

Aposel 14:27

Fri i layihi hulaima nokopma siosik fehendarin fri usharik li talandirsarik mbele mbele os Avui Wasilaka tava frihik or urin frimu sawera. Uhu or halashirik Judama ambu ondo nga mashi orhin li misindiyarin er nga frimu sawera.

Aposel 2:19

Avak a unak mbele mbele apsham apshamhi ondo lersuwu yok talakwa lir. Unak misambi yok mbele mbele ma undahi ambu ondon a ukwa lir. Ondo fi nga hi nga, hikrish nakrisha nga nakwa sir. Hikrisha avak wasilakak si mborje tasahavikwa sir.

Aposel 2:43

Urik Avui Wasilaka mbele mbele ma undahi ambu ondo musha mendek tava aposel ondohik ormu ura. Ushirik Jerusalemik lindari ma amber oson li heyehe limu ajera.

Aposel 21:28

Uhu kwambu mendek limu mbara, “Jir Israelik fehe ma jirin. Ji taha avak nirin jelyaka. Ma toto yanga yanga amber hom nir Judama nga mashi os Moses kayehendari nga tempel aka roso nihi nga mashi kavan sawenda ri. Hako oso nom nembes, wahau. Or yanga Grikik fehe ma ondon er nga tos tempel aka Avui Wasilaka kamahanda torok laharlanda ora. Uwak Avui Wasilaka misokome orhik or heyewa osmu kavak nanduwa.” Karem limu mbara.

Aposel 22:8

Karem mbarik amu mbara, “Wasilaka, mir lawe mir?” Urik ormu mbara, “An Jisas Nasaretik fehenda nira. Anin mimu kavak nanduwa,” karem ormu mbara.

Aposel 24:5

Ma toton mi heyewa or men maifuhu yanga yangak or yaha Judamahi nindik mashin or sawerik wavu lihi si huliyiusarik awun undari lir. Uwak ma mushak nirin li halaha ihi olmu orin tiyanduwa. Or ma ol yanga Nasaretik fehe oton tiyanda ma lida lihi ria.

Aposel 26:26

King Agripa, mir mbele mbele amber ol talahandak a mbawa angop mi heyenda lir. Uwa osik kormbak a sawewa nir. Mbele mbele ol a mbawa mbeek misokome mihikop mi heyehe mambla mihikop mi misiwa ambu lir, wahau. Ma amber angop li heyerakonda lir.

Aposel 26:9

An mas ermbak Jisas Nasaretik fehe hi orhin a unak misambik si rakakmbaha a undari nira.

Aposel 3:12

Pita ma ol shirinya tari ondon or heyehe lirin ormu sawera, “Jir Israelik fehenda ma jirin, mberem ushiwak tos talawan ji heyehe ji lishnyamashnyandu? Uhu mberem ushiwak shirin ji washiolondu? Shir shihinjik kwambu ngashi naha ma toton shi mbawak jivik or naw, karem jimu hishindu? Wahau. Mo shir misokome Avui Wasilakahik jivi mendek shi naha ma roton shi mbawak jivik or naha or usasiw, karem jimu hishindu? Wahau te.

Aposel 3:6

Hako Pita ormu mbara, “An ya ngashi ambu nir. Hako mbele las anhik nawan mirin a hakwa karem, kwambu Jisas Krais Nasaretik fehendahik amu mbanduwa. Mir usaha ese ika.”

Aposel 4:10

Os erem si na nahi, jir nga Israelik fehenda ma ondo nga amber ji heyeka. Kwambu Jisas Krais Nasaretik fehendahik kumba nashindari ma roto jivik nari ria. Uhu ter ormu jihi misokomek sinduwa. Hako jir mu Jisas oton miandok owe tirishirik ormu hara. Hako Avui Wasilaka or mbarik angop indiyok usahari ria.

Aposel 5:35

Am hikrik li layishirik Gamaliel mu lida ondon ormu sawera, “Jir ma tondon mbele las ji uku nahi, wa yawur ji hishishihi jivai uka. Ji misi.

Aposel 6:14

Ni misiwa karem mbanda ri. “Jisas Nasaretik fehenda oto avak tempel aka toson or jila tarvlalaha anandin ukwa ri. Uhu mbele mbele ol Moses ni ukmbaha or mbahandari ondon avak or halaha nombo anandin ewekwa ri,” karem mbanda ria.”

2 Korin 12:12

Os jihi nindik a liri wolo lerawu havakavan a laha mbele mbele apsham apshamhi nga ma undahi ambu ondo nga mushak a uri nir. A urik ji heyeri ondo olmu mukunduwa, an aposel indinga nira.

Hibru 2:4

Avui Wasilaka mu mbele mbele apshamhi ma undahi ambu ondon or uhu Masikome orhin ma ol or hakurik or hishiri ondon ormu hara. Erem or uri nombo oso kormbak si mukushirik nimu heyera, mashi jikisi orhi Jisashi ome indinga sira.