Aposel 19:34 - Nupela Testamen long tokples Mende long Niugini

³⁴ Hako orin li heyeri or Judama lar oria. Urik ma orok fehe Judama ambu ondo amber wasilaka mendek limu mbara, “Artemis tos Efesusik sinda toso nom wasilaka mendek nanda sira.” Karem limu mbara. Os erem li mbari oso nambe mendek washi mbahanjiri lira.

Aposel 19:34 Iomraidhean Croise

Matyu 6:7

Avui Wasilakahi mashin misinda ambu ondo os orin li sawewa wolo mbeek hishiyarihi mbanda ambu lir. Lir men mashin li mbayangonak Avui Wasilaka misi, karem hishinda lira.

Aposel 16:20

Uhu fririn li laha majistrethik li lai oweshirik frimu sira. Uhu limu sawera, “Ma tovro Judama vria. Fri uwak yanga nihi osmu kavak nanduwa.

Aposel 19:24

Ma ol erem mbari lihi lar hi orhi Demitrius oria. Or mbele mbelen silvak undari ri. Uhu nor mbashirik ornjik lerawun landari ma ondo haimba handambanda god Artemis sindari akan li heimaha os si nandari hom silvak awarikandak undari lir. Uhu ondon li oweshirik ma li frungawushirik yanga mushak nandari lir.

Aposel 19:26

Hako Pol oto ma tavak li unda god ondo god indinga ambu lir, karem or haimba handambashiwak ma mushak orin tiyanda lir. Angop ji heye ji misiri sir. Mashi oso mbeek yanga Efesuskop nawa ambu sir, wahau. Kuyanga ol provins Esiak nanda ondo amber hom angop li misirakowa sir.

Aposel 19:28

Mashi oson li misihi li waplelenaha wasilaka mendek limu mbara, “Artemis tos yanga Efesusik sinda toso nom wasilaka mendek nanda sira.”

Aposel 19:33

Judama ondo ma lar hi orhi Aleksander oton li kisha ermberik maifuk ormu i sira. Urik orin li mbashirik or sihi nor tavalounashinak mayam li sinak mashin or sawe, karem mbaha uri ria.

Aposel 19:35

Urik Efesusik fehendari malakama ondonjik jekamba lerawun landari ma oto or mbarik ma musha mende ondo mayam limu sira. Urik ormu mbara, “Jir yanga Efesusik fehenda ma jirin. Ji misi. Ma amber samba sambak fehenda er nga angop li heyerakonda nir, nir Efesusik fehe Artemishi aka nga sunja os hevenik takarik ni oweshihindak wanda oso nga ni washilinda oso angop li heyenda sir.

Jekamba Pol ol yanga Romik lindanjik or kayeri 2:22

Uhu os ji mba, “Avak nokophirmbiriwa hala.” Karem ji pantleshihi jihinjik os jimu nokophirmbirinduwa. Uhu os ji mba, “Ma tavak li unda god ondo kava lir. Pasir i siwa hala.” Karem ji pantleshihi jihinjik haiten ma ondo li lotu unda aka lihik ji ihi mbele mbele lihin jimu landuwa.

Revelesen 13:4

Hovo oto kwambu orhin kala asan or hashirik ma amber oson li heyehe hovo oton olmu lotu ura. Uhu kala asa oton er nga li lotu uhu limu mbara, “Ma lar mbeek kala asa oto hom nanda ambu ri. Ma lar mbeek orin jihi tukrundahi ambu ri.”