Aposel 17:20 - Nupela Testamen long tokples Mende long Niugini

²⁰ Hako mashi mihi ni misihi ni hishiwa, apshar er ni hishiwa re. Uwa osik mainomendinga sihin armek sawenak ni misika,” karem limu mbara.

Aposel 17:20 Iomraidhean Croise

Mashi jivi Jisashi Mak or kayeri 9:10

Urik mashi oson wavu lihikop li ewehe lihi ambek limu anasawera, “Mashi Ma Jikisi Avui Wasilakahi os mawan or halaha indiyok or usahakwa mashi oso mberemhi mashi sir?”

Mashi jivi Jisashi Jon or kayeri 6:60

Karem or mbarik ol orin tiyandari ma ondo mashi oson li misihi limu mbahanjira, “Wahau te! Mashi oson ni hishiwa kom te! Sunguwavu nihi osmu kavak nanduwa.”

Aposel 10:17

Urik Pita wavu musha mushak or hishihi ormu mbara, “Wa, mberemhi suku tosir, tos ter a heyewa toson?” karem or lihi hishirik ma ol Kornilius mbashirik tari ondo Pita liri akan li lasaraha os or liri akayangak limu ta sira.

Aposel 17:19

Uhu Polin li laha malakama li tirsandari mishi telemba Areopagusik limu ira. Uhu limu sawera, “Mir avak sawenak ni misika, mashi akri os hulaima nokopman mi sawewa oson.

Aposel 17:21

Ma ol Atensik fehendari nga ma ol yanga anandin halashi taha Atensik lindari nga ermba ermbak mashi akri nom li misikmbaha hishindari lira.

Aposel 2:12

Uhu amber er li lishnyafa wavu musha mushak limu hishira. Uhu lihi ambek limu anasilira, “Mberem si nawak tos ter li mbandua?” karem limu mbara.

1 Korin 1:18

Omendinga sir, ma ol mashi Avui Wasilakahin kumaifaha hik inda nombok sinda ma ondo karem mbanda lir, “Mashi oso mbelenda ma mbanda mashi sir. Ma or miandok hahanda oto nirin jivinandahi ambu ri,” karem mbanda lir. Hako nir mashi Avui Wasilakahin ni misindiyaha hevenik inda nombok sinda nir. Nir ni hishiwa karem, Jisas miandok or hahanda nombo orok Avui Wasilaka kwambu orhik nirin jivinari ri, karem nimu hishinduwa.

1 Korin 1:23

Hako nir Jisas miandok or hahanda mashi nom ni sawenda nir. Uwak Judama mamatar lihi mashi nihin li misihi wavu lihi kavak si nawak mbeek Jisasin hishindiyanda ambu lir. Uwak Judama ambu ondo lir mashi os ni sawewan li misihi karem mbanda lir, “Mashi oso mbeek armek nawak ni misiwa kom. Ma rondo mbelenda ma mbanda hom li mbawa sir.” Karem li mbaha mbeek Jisasin hishindiyanda ambu lir.

1 Korin 2:14

Ma ol Masikome Avui Wasilakahi ngashi ambu ondo mashi Avui Wasilakahin ni sawewa wolo, li krehe turamaranda lir. Mberem ushiwak? Lir mbele mbele jivi ol Masikome orhi sawenda ondon li misiwa, oso mbelenda ma mbanda mashi, karem mbanda lir. Hako nir mbele mbele jivi ol Masikome orhi sauhanda nombo orok ni hishiyarihi lerawun ni landa nir.

Hibru 5:11

Mashi musha olmu nanduwa. Hako wavu jihi angop fendelewa osik mashin ji misikwa osmu kava uwa. Uwosik mbeek ni sawekwa ambu nir.

1 Pita 4:4

Uhu ter mbeek mbele mbele kava ondon unda ambu jir. Ushiwak ma ol mas najer ji yandari ondo oso ji halawak li heyehe wavu musha mushak li hishihi jirin kavakavak olmu mbanduwa.