Aposel 13:33 - Nupela Testamen long tokples Mende long Niugini

³³ Avui Wasilaka or mbarik Jisas angop mawan halaha usahari ri. Erem or ushirik mbele mbele or ukmbaha nor mbahandari oso omendingak osmu nara. Mashi oso Buk Song namba 2 orok osmu nandua. Mashi oso karem, “Mir jikisi anhi mira. Ter avoko mihik amu nanduwa.” Buk Song 2:7

Aposel 13:33 Iomraidhean Croise

Mashi jivi Jisashi Jon or kayeri 2:22

Undari osik Jisas indik or usahari wolo orok ol orin tiyandari ma ondo mashi os erem or mbarin indiyok li hishihi limu mbara, “Ome sira, mbele mbele ol profet ondo li mbari Jisasin li mbari sira.” Karem li mbaha orin wavu lihik limu ewera. Uhu mashi os Avui Wasilakahi jekambak li kayehendari oso er nga li hishihi limu tiyara.

Aposel 13:30

Hako Avui Wasilaka or mbarik indiyok usahari ri.

Aposel 13:34

Avui Wasilaka or mbanak or usaha mbeek indik or hakwa ambu oson angop mas or mbahandari sir. Mashi Avui Wasilakahi karem sawehendari sir, “Mas Devitin a ukmbaha na mbahandari hom jirin armesarme mendek a ukwa nir.” Undari mashi oso omendingak talari sir.

Aposel 13:37

Hako ma or Avui Wasilaka mbarik mawan halaha usahari ma oto kuvayiri ambu ri.

Aposel 2:24

Hako Avui Wasilaka or mbarik indiyok mawak usahari ria. Mbeek mawa oso orin toltangrindahik nari ambu sir, wahau.

Aposel 2:32

Avui Wasilaka or mbashirik Jisas oto mawan or halaha indiyok usahari ri. Nir amber angop ni heyeri osik mashi kason nimu saweyanduwa.

Aposel 9:20

Uhu kolok Judama lotu undari aka orok or ihi mashin ormu sawera, “Jisas orto jikisi Avui Wasilakahi ria.”

Hibru 5:5

Undari hom Krais erem, or mbeek orhinjik hetprisik or nakurik mbari ambu ri, wahau. Avui Wasilaka orhinjik lerawu oson or lakurik nor kamari ri. Uhu karem ormu mbara, “Mir jikisi anhi mira. Unak an avui mihi anira.” Buk Song 2:7