Aposel 11:3 - Nupela Testamen long tokples Mende long Niugini

³ Uhu olmu mbara, “Mir mberem ushirik Judama ambu ondo aka lihik mi layihi lir nga nakrem ji ar?”

Aposel 11:3 Iomraidhean Croise

Matyu 9:11

Urik Farisi lal oson li heyehe ol orin tiyandari man limu mbahanjira, “Mberem ushiwak tisa jihi oto ol takis yan landa ma nga ol kavakavan unda ma nga nakrem or lihi andu? Os erem or uwa kava sir.”

Mashi jivi Jisashi Luk or kayeri 15:2

Urik Farisi nga ma ol mashi Moseshin sawendari nga lihi ambek limu mbara, “Ma toto mberem ushiwak ma tol kavakavan unda tondo nga nakrem or lihi aha yandua?”

Mashi jivi Jisashi Jon or kayeri 18:28

Nirsumbuk si narik Judama ondo Kaiafashi akan li halaha malakama Romik fehenda Pailathi akak Jisasin limu laha ira. Li ihi nombok lihi ambek limu mbara, “Os Pailathi akak ni layi nahi, misokome Avui Wasilakahik kavak ni nakwa nir. Uhu hiyawu Pasova oson mbeek ni akwa ambu nir.” Karem uri osik lir mbeek aka akomek layiri ambu lir.

Aposel 10:23

Urik Pita lirin akomek or lalayihi oweshirik li lihi orok or nga limu wara. Li wahandaha or nga najer limu ira. Ma ol Jisashi mashin misindiyandari Jopak fehe lal er nga limu ira.

Aposel 10:28

Urik Pita mu lirin sawera, “Angop ji heyenda sir. Lo nihi karem mbanda sir, nir Judama nga jir Judama ambu nga mbeek nakrem ni likwa ambu nir. Uhu mbeek nir ihi pasir jir nga ni sikmbaha mbanda ambu sir. Hako an angop Avui Wasilaka sukuk or mukushihindak a heyehenda sir. Uhunda osik mbeek ma lar a mba, “Mir kava mir, mir misokome Avui Wasilakahik jivik nanda ambu mir,” karem a mbakwa ambu nir.

Aposel 10:32

Wa, kolok ma lal mbashinak yanga Jopak li ihi Saimonin li heyeka, hi yoko orhi Pita ria. Uhu oton li laharaka. Ma oto or Saimon ome larhi akak lindu. Saimon orto bulmakau sishin tloloho mbele mbelen bulmakau sishi ondok unda ma ria. Aka orhi solwara mambuk sinda sir.”

Aposel 10:48

Uhu Pita ma ondon ormu sawera, “Ji mbanak avak kwambu Jisas Kraishik jirin li fak tolofaleka.” Karem mbashirik fak li layishihi limu orin sawera, “Mir avak niri lap nir nga ni lika,” karem limu mbara.

1 Korin 5:11

Hako maintontlo os a kayeri karem, os ma lar orhinjik or mba, “An Kraishi ma anira,” karem or mbashihi or nokophirmbirihi, mbele mbele mahin or antlaha, ma tavak li unda godin or lotu uhu, man sembe haimba handambaha, uku kavan or aha ambarambasihi, mbele mbele mahin hirnya nahi, ma oto nga nakrem ji liyawa hala, wahau. Uhu or nga nakrem ji asumlasum awa hala. Karem a kayeri nir.

Galesia 2:12

Mas Judama ambu ol Jisasin hishindiyanda ma ondo nga nakrem andari ri. Hako Judama ol masamsishin korokmbaha mbandari ma ondo Jems mbashirik li raha li mbashirik or ajehe nakrem li andari nombon halari ri.

2 Jon 1:10

Os ma lar or taha Jisas Kraishi mashi omendigan or sawe nahi ambu, avak or nga anamakshitakshihi oton aka jihik mbahalayiwa ji hala, wahau.