Aposel 1:6 - Nupela Testamen long tokples Mende long Niugini

⁶ Ushinaha nindi wolo lasik indik lirik ormu talara. Uhu telemba Oliv, karem li ushandari orok lir nga nor lirik limu silira, “Wasilaka, avak ter wolok wutari nihi Romik fehendan mi tukru ermbehe malakama nihik mi naha nirin arangoshinak jip ni likwa on? Mo wahau?”

Aposel 1:6 Iomraidhean Croise

Matyu 17:11

Urik ormu mbara, “Mashi oso ome sira. Elaija avak or taha mbele mbele ondon hundujekwa ri.

Matyu 20:21

Urik Jisas sirin ormu silira, “Mberem a ukmbaha nyi hishindu?” Urik simu mbara, “An a hishiwa os malakamak mi naha yanga mihik mi liwa wolo jikisi anhi tovron mi mbanak malakamak fri naha mir nga nakrem fri lika, lar tapmama yok lar tava ashi yok.”

Matyu 24:3

Hovok Jisas telemba Olivik or lirik ol orin tiyandari ma li raha limu silira, “Mbele mbele ol mi sawewa ondo mbele wolo mendek li talanak nivai heyeku? Mberem si nanak ni heyehe nivai mbaku, Wasilaka am or tanak misambi mbele mbele ondo am mendek li nakwa wolok osmu nanduwa?”

Mashi jivi Jisashi Mak or kayeri 9:12

Urik ormu mbara, “Mashi oso ome sira. Elaija masmas or taha mbele mbelen armek or hundujerakoshinak Avui Wasilaka kamahanda ma oto kumasikop takwa ri. Mashi oso omendinga sir. Uhu mashi las nga karem li kayeri sir, “Ma Jikisi Avui Wasilakahi avak nomorawu wasilakan or kishanak hulaima nokopma avak orin kumaifakwa lir.” Karem li kayeri sir.

Mashi jivi Jisashi Luk or kayeri 17:20

Farisi ondo lal Jisasin limu silira, “Avui Wasilaka ma orhin or arangoshinak li likwa oso mbele wolok si talaku?” Karem li silirik ormu mbara, “Avui Wasilaka os or arangoshinak ji likwa oso mbeek ji heilandahi nombok takwa ambu sir.

Mashi jivi Jisashi Luk or kayeri 19:11

Jisas Jerusalemik or layikuri am pasir si nari osik ma ondo karem limu hishira, “Avui Wasilaka ma orhin or arangoshinak li likwa ter kormbak talanak ni heyekwa sir.” Karem li hishirik or heyehe lirin tolowornakmbaha sauheimak ormu sawera,

Mashi jivi Jisashi Luk or kayeri 22:29

Uwa osik Avui anhi or mbashihindak malakamak a naha hulaima nokopman a arango washilikwa hom an nga jirin a mbashinak malakamak ji naha hulaima nokopman arango washilikwa jir.

Mashi jivi Jisashi Jon or kayeri 21:21

Karem mbahandari ma oton Pita or heyehe Jisasin ormu silira, “Wasilaka, ma toto kumak avak mberem orvai naku?”