Matiwu 11:10 - Wɩɩsɩ Nyʋʋfalɩɩ Teŋ (Ghana)

¹⁰ Nal no wɩya rɛ ba gyɩ sabɩ biŋ Wɩɩsɩ teŋ tɩyaŋ a baa dɩ Wɩɩsɩ baa, ‘Ŋ sɩ tɩŋ ŋ tɩŋdaal dɩ ʋ laa ɩ sɩya a mʋ marɩ ŋmanɩɩ bin-ɩ.’

Matiwu 11:10 Iomraidhean Croise

Matiwu 11:11

Ɛɛ rɛ Yesu bɩl basɩ tɩya nala hʋ a baa, “Wɩtɩɩ rɛ ŋ basɩ kɩ tɩya ma, ba ha bɩ maakyiye lʋl nal buloŋ dʋnɩya no tɩyaŋ ʋ tee Gyɔɔŋ Wɩɩsɩnɩɩfool hʋ. Amɛ nal hʋ yaŋ aa yaa nɩbiye Wɩɩsɩbee koro hʋ tɩyaŋ, ʋ tɩɩna mɛ rɛ tee Gyɔɔŋ.

Matiwu 11:3

ba mʋ pɩyɛsɩ ʋ a baa, “Basɩ tɩya ma, ɩ rɛ yaa nal hʋ Gyɔɔŋ fa aa baa dɩ ʋ sɩ ko laa ma ta hʋ, koo á ha kɩ gyegili nɩdɩma?”

Matiwu 3:3

Gyɔɔŋ no wɩya rɛ Wɩɩsɩ gyɩ tɩŋ ʋ tɩŋdaal Azaaya tɩyaŋ a gyɩ basɩ gɛɛ. Ʋ gyɩ baa, dɩ Wɩɩsɩ baa, “Nal lɛ we pogo tɩyaŋ a heeli kɩ basɩ, “Ma marɩ ma tɩsɩ dɩ á Tɩɩna ko kɩ tɩŋa anɩɩ ma aa marɩ ŋmaŋ-deginii a pɔ nɩbal koyi gɛɛ.”

Maakɩ 1:2

Wɩɩsɩ tɩŋdaal Azaaya gyɩ saba nal hʋ aa sɩ laa Yesu Krisita sɩya ko wɩya rɛ, a baa dɩ Wɩɩsɩ baa, “Deŋ na, ŋ sɩ tɩŋ ŋ tɩŋdaal dɩ ʋ laa ɩ sɩya a mʋ a marɩ ŋmanɩɩ bin-ɩ.”

Luka 1:76

Zakarɩya gyɩ aa basɩ wɩya no ko teŋ, ʋ mɩɩgɩ basɩ tɩya ʋ biye hʋ mɛ a baa, “Ŋ biye, ɩ sɩ yaa Wɩɩbal hʋ tɩŋdaal Ɩ sɩ laa á Tɩɩna sɩya mʋ, a marɩ ʋ ŋmanɩɩ bin-ʋ.

Gyɔɔŋ 1:23

Ɛɛ rɛ Gyɔɔŋ basɩ wɩya hʋ Wɩɩsɩ tɩŋdaal Azaaya aa saba a baa, “Mɩyaŋ nɛ yaa taal hʋ aa we pogo tɩyaŋ a heeli kɩ basɩ a baa, ‘Ma marɩ ŋmaŋ-deginii biŋ dɩ á Tɩɩna ko tɩŋa.”’