GYEMSI 1:24 - Wɩɩsɩ Nyʋʋfalɩɩ Teŋ (Ghana)

²⁴ Amɛ dɩ ʋ rɛ ko gɩɩgɩ mʋhʋ, ʋ guu yeŋŋi gɛɛ hʋ ʋ aa kɩya.

GYEMSI 1:24 Iomraidhean Croise

Matiwu 8:27

Nyɛ rɛ ba buloŋ nyʋʋsɩ fɩyɛlɩ, ba kɩ pɩyɛsɩ dɔmɔŋ a baa, “Nɩgɛɛ iriŋ nɛ nyɛ? Fuwoni abee puwoni buloŋ kɩ tɩŋa ʋ nyʋwa?”

Luka 1:66

Nala hʋ buloŋ aa nɩɩ gɛɛ, ba kaŋ wɩɩ hʋ kɩ bɩɩnɩ ba tɩsɩ tɩyaŋ a kɩ basɩ, “Biye no yaŋ sɩ yaa nɩgɛɛ doho rɛ nyɛ?” Ba naa anɩɩ á Tɩɩna Wɩɩsɩ dee we ʋ tɩyaŋ nɛ, ɛɛ rɛ tɩŋ ba kɩ basɩ gɛɛ.

Luka 7:39

Dɩya hʋ tɩɩna aa naa wɩɩ no haaŋ hʋ aa yaa, ʋ hɔŋ kɩ liisi ʋ tɩya tɩyaŋ a baa, “Dɩ baal no fa kɔnɩ yaa Wɩɩsɩ tɩŋdaal, ʋ fa sɩ gyɩma anɩɩ haaŋ no aa dige ʋ hʋ yaa wɩbɔŋyaal lɛ.”

1 TESALONIIKA TƖMMA 1:5

Beewɩya, á gyɩ aa ko basɩ Yesu Krisita wɩweliye hʋ tɩya ma, ʋ bɩ kɩɩ nɩɩ wɩbasɩɩ dʋŋ nɛ á gyɩ ko basɩ, amɛ á gyɩ daga Wiyesi Welii hʋ dee mɛ rɛ. Á gyɩ daga anɩɩ á kɔnɩ laa di rɛ anɩɩ Wɩɩsɩ wɩweliye hʋ yaa wɩtɩɩ rɛ. Ma gyɩŋ wɩya hʋ á gyɩ aa yaa rɛ saŋa hʋ á aa we ma lee. Ma wɩya rɛ tɩŋ á gyɩ yaa haŋ wɩya hʋ buloŋ.

GYEMSI 1:23

Dɩ nal buloŋ nɛ nɩɩ wɩya no aŋ vɩya ba tɩŋɩɩ, ʋ tɩɩna kɩɩ gɛɛ rɛ anɩɩ nal aa kpaa nyagɩsa deŋ na ʋ tɩɩ.

GYEMSI 1:25

Amɛ nal hʋ aa kpaa ʋ hakɩla buloŋ we Wɩɩsɩ wɩbii hʋ aa laa nala kɩ ta tɩyaŋ, a kaŋ mala abee ʋ tɩŋɩɩ tɩyaŋ, a bɩ nɩya aŋ kɩ yeŋŋi, aŋ wuwo kana ʋ kɩ tʋŋ tʋma, Wɩɩsɩ sɩ pɛ ʋ tɩɩna abee ʋ wɩyaalɩɩ buloŋ tɩyaŋ.

2 PIITA 3:11

Ma aa gyɩma anɩɩ kɩŋ buloŋ sɩ kyogi nyɛ, nɩgɛɛma iriŋ nɛ ʋ maga dɩ ma yaa? Ma aa gyegili kyɛɛ hʋ á tɩɩna Wɩɩsɩ aa sɩ di dʋnɩya sarɩya, a kɩ yaa wɩɩ kɛ buloŋ ma aa wuwo dɩ kyɛɛ hʋ ko lagɩ nyɛ, ʋ maga dɩ ma yaa nala aa kpaa ba tɩɩ tɩya Wɩɩsɩ rɛ, a ta kaŋ bisiŋ buloŋ ʋ sɩya tɩyaŋ, aŋ kɩ tɩŋ ʋ nyʋwa weliŋ. Haŋ kyɛɛ hʋ rɛ wɩɩsɩnyuu abee kɩŋ buloŋ aa we ʋ tɩyaŋ sɩ di diŋ a tʋwɔlɩ.