Sekaraea 2:5 - Pijin Deuterocanon

⁵ Mi seleva nao bae mi wolston fo gadem taon ya olsem faea wea hemi laet raonem. An bikfala paoa blong mi bae hemi saenaot insaet long taon ya.??

Pijin Bible

⁵ Mi seleva nao bae mi wolston fo gadem taon ya olsem faea wea hemi laet raonem. An bikfala paoa blong mi bae hemi saenaot insaet long taon ya.??

Sekaraea 2:5 Iomraidhean Croise

Sams 125:2

Hem nao Yawe hemi gadem olketa pipol blong hem olowe nao, olsem olketa maonten i stap raonem Jerusalem.

Sams 3:3

Lod Yawe, yu nao yu olsem wanfala sil wea yu gohed fo gadem mi from trabol. Yu gohed fo mekem mi win, an yu gohed fo mekem tingting blong mi hemi kamap strong moa.

Sams 46:5

God hemi stap insaet long taon ya, an no enisamting save mekem hemi foldaon. Long eli moning bae hemi kam fo helpem taon ya.

Sams 48:12

Olketa pipol blong God, yufala wakabaot goraonem bikfala taon ya long Saeon, an luksave long olketa gadhaos blong hem.

Sams 48:3

God hemi somaot finis dat taem yumi stap wetem hem long olketa strongfala sefples insaet long taon ya, yumi barava sef fogud.

Sams 85:9

!Hemi tru ya! Hemi redi olowe nomoa fo sevem olketa hu i tinghae long hem, an bae yumi lukim paoa blong hem fo sevem yumi long kantri blong yumi ya.

Aesaea 12:6

!Yumi olketa pipol blong Saeon, yumi mas singaot bikfala! !Yumi mas singsing bikos yumi hapi! Bikos Holi God blong yumi long Israel, hemi garem bikfala paoa, an hemi stap wetem yumi nao.”

Aesaea 31:9

Bae King blong Asiria wetem olketa sif long ami blong hem i fraet fogud an ranawe from faet ya, bikos olketa lukim nao flag blong Yawe antap long Jerusalem. Ya, antap long maonten long Saeon, hem nomoa ples fo bonem sakrifaes fo wosipim Yawe. Hem nao mesij blong Yawe.

Aesaea 32:18

Olketa pipol blong mi bae i stap gudfala nomoa long olketa haos blong olketa, an no eni nogud samting save kasem olketa.

Aesaea 33:21

Long ples ya nao, bae Yawe hu hemi strongfala God blong yumi hemi stap long hem. An bae hemi gadem yumi olsem wanfala bikfala riva wea hemi stap raonem yumi, an no eni sip blong olketa enemi save kam kolsap long yumi.

Aesaea 4:5

Long de, Yawe bae hemi sendem klaod olsem smok fo kavarem antap long maonten long Saeon wetem olketa pipol hu i mit fo mekem wosip long hem, an long naet bae hemi sendem faea. Bae hemi kavarem olketa wetem bikfala paoa blong hem olsem wea hemi putumap wanfala haostent.

Jeremaea 31:39

An spialaen blong hem bae hemi stat long ples ya long saet long west go kasem hil long Gareb, nao hemi tane go kasem ples long Goa.

Esikiel 38:14

“Man blong graon. From disfala samting nao, yu mas talemaot disfala profesi long King Gog wea mi Lod Yawe nao mi tok olsem: Long datfala taem, bae olketa pipol blong mi i sef an stap gud nomoa. An bae yu luksave long hem.

Esikiel 42:20

Hemi mesarem bikfala open eria long evri saet, an ples ya hemi skuea, bikos evri saet blong hem hemi 250 mita. Disfala bikfala wol raonem eria ya hemi divaedem disfala ples wea hemi tambu tumas from ples wea hemi no tambu.

Esikiel 47:3

Man ya hemi tekem longfala rula an hemi mesarem 500 mita godaon long wata fo go long ist saet. Nao mitufala wakabaot go akros fo ples ya. Long ples ya wata hemi no dip, hemi kavarem nomoa lek blong mi long daon.

Sekaraea 1:16

?Dastawe nao Yawe, hemi tok olsem, ?Bae mi kambaek long Jerusalem, fo somaot sore blong mi fo olketa. An bae olketa bildimbaek moa Tambuhaos blong mi, an wakem gudfala disfala taon ya tu.?

Sekaraea 2:10

Hem ya mesij blong Yawe. Hemi tok olsem, ?!Olketa pipol blong Jerusalem! Yufala mas singaot fo hapi. Bae mi kam stap wetem yufala.

Sekaraea 2:11

Long datfala taem, plande pipol long olketa narafala kantri bae i kam long mi Yawe, fo joen wetem yufala pipol blong mi, an bae mi stap wetem yufala.? Long wei ya nao, bae yufala save dat Yawe hu hemi garem evri paoa, hemi sendem mi kam long yufala.

Sekaraea 9:14

(Profet) Yawe bae hemi kam long olketa pipol blong hem, an aro wea hemi sut long hem hemi laet olsem laetning. Lod Yawe bae hemi bloum bikfala trampet blong hem, an taem hemi maas kam, bae hemi olsem bikfala win wea hemi blou kamaot long saot.

Sekaraea 9:8

Mi bae mi gadem olketa pipol blong mi, mekem olketa soldia blong eni narafala kantri i nating save kam winim olketa. Bae mi kanot letem moa olketa enemi fo kam spoelem olketa pipol blong mi, bikos mi gohed fo lukaftarem olketa.?

Gudnius abaotem Jisas Kraes wea Luk hemi raetem 2:32

Hemi olsem wanfala laet wea hemi saen go long olketa pipol hu i no Jiu, mekem olketa luksave long yu, an mekem olketa preisim olketa pipol blong yu long Israel.”

Revelesin 21:23

An olketa no nidim san an mun fo saen kam long biktaon ya, bikos bikfala paoa blong God hemi saen kam long hem. An Smolfala Sipsip ya tu hemi laet blong biktaon ya.