Sams 57:2 - Pijin Deuterocanon

² Mi gohed fo kol go long God hu hemi hae tumas, bikos hemi gohed fo givim mi evrisamting wea mi sot long hem.

Pijin Bible

² Mi gohed fo kol go long God hu hemi hae tumas, bikos hemi gohed fo givim mi evrisamting wea mi sot long hem.

Sams 57:2 Iomraidhean Croise

Sams 138:8

Lod Yawe, mi save dat bae yu duim evrisamting wea yu bin promisim long mi, bikos lav blong yu fo mifala hemi no save finis. Plis yu no lusim mifala olketa pipol blong yu wea yu bin mekem. (Singsing blong Deved.)

Sams 143:9

Lod Yawe, mi kam long yu fo yu gadem mi. Plis yu sevem mi from olketa enemi blong mi.

Sams 17:8

Mi askem yu fo lukaftarem mi barava gudfala, olsem wea yu gohed fo lukaftarem ae blong yu seleva. An yu haedem mi olsem wea kokorako hemi haedem olketa pikinini blong hem andanit long wing blong hem.

Sams 41:5

Olketa enemi blong mi i gohed fo tokspoelem mi. Olketa laekem nomoa fo mi dae, mekem no eniwan save tingim mi moa.

Sams 56:2

Evri de nomoa olketa gohed olowe fo spoelem mi, an olketa wea i faetem mi, i staka tumas.

Aesaea 26:12

Yawe. Yu mekem mifala fo stap gudfala long piis, bikos paoa blong yu nao hemi mekem mifala save duim evri gudfala waka.

Aesaea 26:20

(Profet) !Olketa pipol blong mi! !Yufala go insaet long haos blong yufala an satem doa! Yufala go an haed fo lelebet taem go-go kros blong Yawe hemi finis.

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Filipae 1:6

An mi barava save dat God hu hemi bin statem disfala gudfala waka long laef blong yufala, bae hemi gohed fo finisim long datfala De blong Jisas Kraes.

Filipae 2:12

Olketa fren blong mi, yufala bin obeim mi olowe taem mi stap wetem yufala. So yufala mas gohed fo duim diswan tu nomata mi no stap wetem yufala. God hemi sevem yufala, so yufala mas tinghevi an tinghae long hem an gohed nomoa fo wakahad fo kasem wanem hemi makem fo yufala.

Hibrus 13:21

Mi prea wea bae God ya hemi givim evri gudfala samting long yufala, mekem yufala save duim wanem hemi laekem. An mi prea tu wea long paoa blong Jisas Kraes, bae God hemi duim long yumi wanem hem seleva hemi hapi long hem. An bae yumi mekhae long Kraes olowe nao. Amen.