Sams 34:2 - Pijin Deuterocanon

² Bae mi gohed fo preisim Yawe fo olketa samting wea hemi bin duim. Hemi gud fo olketa wea i safa fo herem olketa toktok ya, an bae olketa hapi.

Pijin Bible

² Bae mi gohed fo preisim Yawe fo olketa samting wea hemi bin duim. Hemi gud fo olketa wea i safa fo herem olketa toktok ya, an bae olketa hapi.

Sams 34:2 Iomraidhean Croise

Stori abaotem Job 1:21

Hemi tok olsem, “Taem mi bon kam, mi nating tekem kam enisamting, an taem mi dae, bae mi no tekem go enisamting tu. Lod Yawe, yu givim olketa samting long mi, an distaem yu tekemaot olketa moa from mi. Mi preisim nem blong Yawe.”

Sams 105:3

Yumi evriwan mas liftimap holi nem blong Yawe, an yumi save hapi bikos yumi wosipim hem.

Sams 119:74

Taem olketa hu i tinghae long yu i lukim mi, bae olketa hapi, bikos oltaem mi trastem olketa tru toktok blong yu.

Sams 142:7

Plis yu mekem mi fri from olketa trabol blong mi, mekem mi save preisim yu. An bae olketa stretfala pipol i hipap raonem mi, bikos olketa lukim dat yu lukaftarem mi gudfala. (Singsing blong Deved.)

Sams 44:8

Bae mifala gohed fo preisim yu olowe. An bae mifala tengkiu long yu evritaem olowe nao.

Aesaea 45:25

Mi Yawe nao bae mi mekem evriwan hu i bon kam long laen blong Israel fo falom stretfala wei, an bae olketa barava mekhae long mi.

Jeremaea 9:24

Sapos eniwan laek fo tokpraod, hemi gud hemi tokpraod abaotem wei wea hemi savegud tingting blong mi, an hemi savegud tu wea mi nao Yawe, an mi tinghevi long pipol olowe, an evrisamting wea mi duim hemi stret, an wei blong mi fo jaj hemi stret nomoa. Bikos mi hapi long olketa samting ya nao.”

1 Korin 1:31

Dastawe nao Buktambu hemi sei, “Man hu hemi laek fo praod, hemi mas praod nomoa long wanem Masta hemi duim finis.”

2 Korin 10:17

Buktambu hemi sei, “Man hu hemi praod, hemi mas praod nomoa long wanem Masta hemi duim.”