Sams 148:4 - Pijin Deuterocanon

⁴ !Preisim hem, yu skae antap! !Preisim hem, yu wata wea yu stap antap moa long skae ya!

Pijin Bible

⁴ !Preisim hem, yu skae antap! !Preisim hem, yu wata wea yu stap antap moa long skae ya!

Sams 148:4 Iomraidhean Croise

Jenesis 1:6

God hemi tok moa olsem, “Hemi mas garem wanfala samting olsem bikfala ruf fo stap long midol, fo divaedem wata ya, mekem haf blong hem bae hemi stap antap long hem an narafala haf blong hem bae hemi stap andanit long hem.”

Jenesis 1:7

An samting ya hemi kamap olsem wea God hemi bin talem. Hemi mekem samting ya fo mekem wata hemi divaed, nao haf blong wata hemi stap antap long hem, an narafala haf blong wata hemi stap andanit long hem.

Jenesis 7:11

Nao long disfala yia wea Noa hemi kasem 600 yia blong hem, long mektu mans, long namba seventin de blong mans ya, olketa hol blong wata insaet long graon olketa kamap open, an wata hemi gohed fo ka-kamaot bikfala. An barava bikfala hevi ren hemi kam.

1 Kings 8:27

“!O Lod Yawe! ?Hao nao bae yu save stap kam long disfala wol? Nomata heven wea hemi bikfala tumas, bat heven hemi no fitim yu fo yu stap long hem. Disfala Tambuhaos hemi smolfala fogud an hemi nating fit fo yu stap long hem.

2 Kronikols 2:5

“Mi tingting fo bildim wanfala barava bikfala Tambuhaos fo hem, bikos God blong mifala hemi hae winim eni narafala god.

Nehemaea 9:6

Yu nomoa yu Yawe. Yu nomoa mekem heven wetem evrisamting long hem, an wol wetem evrisamting long hem, an si wetem evrisamting long hem. Yu nomoa givim laef long olketa evriwan. An olketa long heven i gohed fo mekem wosip long yu.

Sams 104:3

an yu bin mekem ples blong yu antap long skae. Yu yusim olketa klaod olsem kaat wea hos hemi pulum, an yu raed antap long win wea hemi blou.

Sams 113:6

an hemi luk kamdaon long skae an graon fo helpem olketa pipol.

Sams 69:35

Bae God hemi sevem olketa pipol blong Jerusalem, an bae hemi wakembaek moa olketa taon blong Jiuda. Olketa pipol blong hem bae i stap long ples ya, an bae olketa onam moa olketa graon ya.

2 Korin 12:2

Mi save long wanfala man blong Kraes, wea God hemi tekem hem goap long heven wea hemi antap tumas. An distaem hemi mekfotin yia nao bihaen long diswan. Mi no barava save sapos diswan hemi barava hapen o hemi drim nomoa, God nomoa hemi save.

Diutronomi 10:14

“Heven wetem evrisamting long hem, an wol wetem evrisamting long hem, olketa i blong Yawe, God blong yufala.